Dros reageer oor ‘kinderverkragting’

Die speelplek in die Dros in Silverton, waar die vermeende verkragter glo sy slagoffer sit en dophou het voor hy na bewering toegeslaan het. Foto: Facebook

Die Dros-restaurantgroep het Dinsdagaand in ʼn verklaring sy meegevoel betuig met die ouers van die sewejarige meisie wat na bewering in een van sy Pretoriase restaurante verkrag is.

Die vermeende verkragter (20) het vandag in die Pretoriase streekhof verskyn nadat hy glo vroeg Saterdagaand die kind in die Dros in Silverwater Crossing in Silverton verkrag het.

Hy staan ook tereg op aanklagte van dwelmsbesit, aanranding met die opset om ernstig te beseer en intimidasie. Volgens Phindi Louw, woordvoerder van die Nasionale Vervolgingsgesag (NVG), bly hy in aanhouding tot sy volgende hofverskyning op 2 Oktober.

Patse Jordaan, Dros-woordvoerder, het Dinsdagaand gesê hulle het die kind se ouers enige bystand aangebied “wat redelikerwys in so ʼn geval verwag kan word”.

“Ons was ook in noue verbinding met die eienaars, bestuur en personeel van die betrokke Dros-restuarant,” het Jordaan in ʼn verklaring gesê. “Aangesien die SAPD die saak ondersoek en weens die sensitiewe aard daarvan, kan ons nie kommentaar daarop lewer of enige nadere besonderhede verstrek nie.

“Ons doen dus ʼn beroep op die media en die publiek om toe te laat dat die SAPD hul ondersoek na dié sensitiewe aangeleentheid afhandel.”

Maroela Media het vroeër berig die vermeende verkragter het glo die kind na die restaurant se badkamer gevolg, haar uit die vrouetoilette gegryp, haar mond toegedruk en haar na die manstoilette geneem waar die verkragting na bewering plaasgevind het.

Toe die meisie se ma na haar gaan soek, het sy ʼn geraas uit die manstoilette gehoor, maar die deur was glo geblokkeer. Nadat sy dit volgens ʼn ooggetuie oopgedwing het, het sy op die man afgekom. Hy sowel as haar kind was na bewering naak.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

49 Kommentare

jongste oudste gewildste
Barend

Hierdie is in totaal nie goed genoeg nie, die kind is vir die res van haar lewe gebreek. Kom Cyril, kom terug na jou land en gaan aandag.

Sê maar net

Was dit my kind sou hy die selfte aand nog die tydelike met die ewige gewissel het. Dis scary, arme kindjie.

Aitjie

Ek weet dit is lekker as ouer om rustig te eet terwyl jou kind speel maar in vandag se tyd kan dit nie meer gedoen word nie. Die duiwel loer om elke hoek! ‘n Liewe klein dogtertjie se toekoms is daarmee heen.

Aitjie

Ek weet dit is lekker as ouer om rustig te eet terwyl jou kind speel maar in vandag se tyd kan dit nie meer gedoen word nie. Die duiwel loer om elke hoek! ‘n Liewe klein dogtertjie se toekoms is daarmee heen.

handjiesgevou

Wat ek nie verstaan nie is dat die ooggetuie in n vorige berig “blow-by-blow” verduidelik waar die verkragter was en wat hy gedoen het en selfs wat ht gedrink het… TOG het die ooggetuie net agteroor gesit en als aanskou en niks gedoen nie??