Dros-saak: Dít is hoekom meisie (7) moet getuig

Nicholas Ninow tydens Dinsdag se hofverrigtinge. (Foto: Oupa Mokoena/ANA)

Die Nasionale Vervolgingsgesag het laat Dinsdag gereageer op kommer en besware van die publiek dat die sewejarige slagoffer in die sogenaamde Dros-verkragtingsaak vandag in die hof moet getuig ondanks die feit dat die beskuldigde, Nicholas Ninow (21), reeds erken het hy het haar verkrag.

Die saak word tans in die hooggeregshof in Pretoria aangehoor.

Phindi Mjonondwane, woordvoerder van die NVG, het in ʼn verklaring gesê familielede van die kind en die publiek kan gerus wees dat die meisie se getuienis geensins ten doel het om haar te dwing om die traumatiese gebeure te herleef nie.

Die toilethokkie waar die voorval plaasgevind het.

“As die NVG het ons reeds aangedui dat ons Ninow se pleitverduideliking verwerp aangesien dit teenstrydig is met die weergawe van die klaer tydens haar konsultasie met die aanklaer,” sê Mjonondwane. “Die enigste doel daarvan om die kinderslagoffer op te roep om te getuig, is om bewyse voor die hof te plaas wat Ninow se weergawe van die chronologiese volgorde van gebeure wat gelei het tot die gruwelike skending van haar onskuld, te betwis.”

Mjonondwane het beklemtoon aangesien Ninow reeds voor die hof erken het dat hy die kind verkrag het en op die twee aanklagte skuldig gepleit het, is daar geen dispuut in hierdie verband nie en dus geen behoefte om getuienis rakende dié aanklagte voor die hof te plaas nie.

“Die kind sal vlugtig getuig deur middel van ʼn kringtelevisiekamera met die ondersteuning van ʼn tussenganger en twee hofvoorbereidingsbeamptes wat aan die saak toegewys is,” sê sy. Sy het die versekering gegee dat die NVG ʼn slagoffer-gesentreerde diens lewer en dat sy aanklaers toegewyd is daaraan om die slagoffers van misdade te beskerm.

Nicholas Ninow sit kop onderstebo tydens Dinsdag se hofverrigtinge.

“Staatsadvokaat Dorah Ngobeni sal na verwagting [vandag] die staat se saak sluit, en in haar vertoë ter verswaring van vonnis sal sy aanvoer dat lewenslange tronkstraf opgelê moet word.”

Vandag is die derde dag van die verhoor van Ninow wat tereg staan op aanklagte van verkragting, aanranding, dwelmbesit en regsverydeling. Ninow het Maandag toe die verhoor begin skuldig gepleit op al die aanklagte behalwe aanranding. Hy het ook aan die hof sy weergawe van gebeure gegee die dag toe die voorval in die vrouebadkamer van ʼn Dros-restaurant in Silverton, Pretoria, plaasgevind het.

Die staat het egter nie Ninow se pleidooi op die aanklagte van verkragting aanvaar nie en daar is besluit dat die verhoor voortgaan. ʼn Kinderoppasser wat die betrokke dag aan diens was by die Dros-restaurant, was gister in die getuiebank en het begin huil toe sy vir die hof vertel het hoe die voorval haar geraak het.

Lees alle vorige berigte oor Nicholas Ninow op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

40 Kommentare

Carl ·

Sit elke dag met ‘n “grin” op sy gesig, lyk redelik in sy skik met al die aandag wat hy kry met geen teken van berou nie. Hang hom onderste-bo op Kerkplein aan sy…jy weet wat.

Snert ·

As ek so na heelwat opinies kyk wonner ek of mense ooit die artikels oordentlik lees en verstaan. Lees stadig en lees weer….dan deel jou gedagtes met ons. Dankie mense.

Hanekraai ·

As ek so na heelwat opinies kyk wonner ek of mense ooit die artikels oordentlik lees en verstaan. Lees stadig en lees weer….dan deel jou gedagtes met ons. Dankie mense.

Sandra ·

Het ek iewers iets gemis? Ter versagting? Vir wat? Omdat hy ‘n druggie is? O wee, hierdie land se reg stelsel verbaas my meer en meer?

Willa ·

Sandra .. lees weer … daar is nêrens iets van versagting nie – ter VERSWARING!!!

cathy ·

Die ou gaan tronk toe. Ons weet wat gebeur met kinderverkragters daar…

treurgrond ·

Stem saam Cathy hy sal maar die les op die harde manier leer….maar voel hoe die dogter gevoel het op haar 7 jarige ouderdom wat sy nie krag gehad het om teen hom te gaan nie.

Dina ·

Dis nou tipies ons land se regstelsel. Lieg jy glo hulle jou. Praat jy die waarheid verwerp hulle dit. Dit is n geldmaakstorie. Dis hoekom hofsake onnodig uitgeroep word. Om nou weer die kind te laat getuig dien geen doel nie. Dit rig net meer skade aan die kind.

wilma ·

Ai so kleine kindjie. Vertrou dat sy vandag nie erg getraumatiseerd sal wees. Mag die regter die skuldige vir ewig uit die samelewing verwyder. STERKTE VI KINDJIE EN HAAR GELIEFDES

Se maar net ·

my kop is te plat vir die een , ek verstaan nie, help my asb – hy pleit skuldig maar hof aanvaar nie pleitdooi nie – huhhh???????? slim mense verduidelik asb

Spook ·

Ek dink is on sy vonnis oplegging te verswaar vir maksimum staf Ek is nie n kenner nie…ek will nie oordeel nie maar dit is bitter moeilik in die geval, by het ons almal we menswees aangetas, ek is siek tot in my maag toe vir die man end sy dade

Abe ·

Se maar net,
Die manier waarop jy praat van jou kop wat te plat is, klnk asof jy half trots is op jou domheit. Dit is niks om op trots te wees nie: Dom mense is verantwoordelik vir AL die probleme van die wereld. Hulle moet eintlik verguis word en hulle moet beskou word as die uitvaagsels van die wereld. Ek wens ons kan van hulle permanent ontslae raak.

Willa ·

Lees weer … daar staan duidelik dat die gebeure soos hy aan die hof vertel het nie ooreenstem met haar verduideliking nie …

Carl ·

Se maar net, die hof het dit gister verduidelik, hy lieg in sy pleit verduideliking, so die Hof KAN nie en MAG nie sy pleit aanvaar nie, die getuienis gaan bewys dat hy lieg in sy weergawe. Hy mag ligter daarvan afkom in sy eie weergawe, as wat hy gevonnig mag word as die werklikheid (soos verswarende omstandighede) bewys word.

Yankee ·

Julle regstelsel soos geen ander. 7 jarige moet getuig? Wat sy moes deurmaak? Piesang, en weereens piesang al wat ek sal se. Unbelievable!!!!!

kolla ·

Julle Amerikaanse stelsel is die grootste grap ter wereld. Kyk nou maar die OJ Simpson geval, lagwekkend.

JR ·

Het hulle die dogtertjie dan nie ondersoek na die voorval nie dit is seker genoeg bewyse dat hy skuldig is

Spook ·

Stem saam met jou JR… Maar ek vertrou maar blindeliks hulle redes, miskien sal die volle werklikheid inskop as ons almal die kind se pleit aanhoor. Ek dink die man moet maar virewig sit en dit is vir my bitter moeilik om the dink DAT dit sy eerste oortreding was.. As dit was is hy n baie groter gevaar as wat ons almal kan indink.. Dit is wat my gedagtes dink

Cherokee ·

Spook, julle is roekeloos met die woord ‘ewig’ sonder om te verstaan dat ons begrip te klein is om dit te verstaan.

Abe ·

Die hof is daar om die waarheid uit te vind. As hy lieg in sy bekentenis, is dit nie die waarheid nie en daarom kan die hof dit nie aanvaar nie. Die hof kan hom nie skuldig bevind en vonnis op feite wat nie die waarheid is nie.

kolla ·

Korrek. Die hof MOET ‘n pleit van onskuldig aanteken indien dit blyk daar faktore/getuienis teenwoordig is dat ‘n pleit van skuldig nie aanvaar kan word nie.

Gesiggie ·

Die monster het die kind van 7 jaar oud se lewe verwoes… en nou moet sy getuig?? daar is genoeg bewyse dat die vark dit gedoen het. Als weer van voor af hervaar, dit moet erg wees… my hart gaan uit na haar en haar familie, mag Jesus aan jul die krag gee om deur als te kom, sodat jul lewe kan aangaan .. berou gaan jou niks help Nicholas ”’ niemand gaan jou jammer kry… jy sal gestraf word vir jou dade. Hoeveel van sy soort is nog buite??

ES ·

21 jaar oud, en nou is jou lewe verby! Skokkende lewenskeuses…

Die media en massas gaan nou van jou ‘n voorbeeld maak my ou maat. Jy dink jou tyd in die hof is moeilik… wag tot jy in die tronk is.

Kokkie ·

Heeltemal reg, ES. Pappa wag vir hom. As jy nie wil hoor nie moet jy voel.

Martin ·

Net n geld maak storie, Hoe langer die saak sloer hoe meer geld.

Mariana ·

Hy pleit skuldig, straf hom vir sy daad en kry dit agter die rug. Los die dogter uit want haar lewe moet aangaan en sy moet hierdie verskriklike wandaad teenoor haar verwerk. Hoekom als nog uitrek.

Kas ·

As ek reg gelees het is dit ter verswaring van vonnis en nie ter versagting nie.Hier kom ‘n vonnis wat skrik vir niks.

humor ·

Abe, jou hele gesindheid se maar net een ding jy moet jou Bybel (as jy een het) meer lees!!!!

Willem ·

Dwelms neem jou net na een van twee plekke: of die tronk, of die graf; nêrens anders nie. Los dwelms so gou as moontlik as jy dit reeds gebruik of moet glad nie eers begin om dit te gebruik nie.

Nel ·

Nee wat Almarie ek glo nie ou Abe daar in sy glashuisie besit ‘n woordeboek nie, hoe sal hy in elk geval weet om die woord na te slaan as hy nie weet hoe dit gespel word nie. ;)

Hannatjie ·

Ek was self al voorheen ‘n tussenganger tussen die kind en die hof. Ek kan julle verseker daar word baie mooi met sulke kindertjies gewerk. Hulle kry tot manlike en vroulike poppe om te wys presies wat gebeur het, want meestal is hulle te skaam om daaroor te praat …

LK ·

Manlike en Vroulike poppe!!! o my genade – Vader in die Hemel help hierdie kind dat sy na die tyd niks sal onthou nie. Hannatjie leer hulle dan terselfdertyd dat dit bitterlik verkeerd is, anders hoe gaan sy dit verwerk?? Los die kind assebliefffffff hier uit. Hemele behoed ons van die boosheid. Ek is nou eeeeers kwaad.

lol ·

Daar is ‘n baie goeie rede hoekom die kind moet getuig, dit is glad nie om die kind verder te traumatiseer nie.
Die staat moet sy skuld bo redelike twyfel bewys. Indien iets in sy weergawe teenstrydig is met die staat se saak moet die nodige getuies geroep word voor die hof om die saak teen hom te bewys. Die slagoffers word met die nodige respek en deernis behandel wanneer hul moet getuig. Die poppe help die kinders met hul uitdrukking van die gebeure omdat hulle nie altyd weet hoe om die dinge te verduidelik nie.
Ek verstaan almal is omgekrap oor die kind moet getuig, maar moenie die regstelsel die skuld gee of sleg sê as jul self nie eers weet hoekom ‘n spesifieke prosedure gevolg word nie. Indien dit enigsins verhoed kon word sou die kind nie getuig het nie.

Abe ·

lol,
Goeie kommentaar. Ook goeie verduideliking vir die persone wat nog nie verstaan waarom dit noodsaaklik is dat die kind moet getuig om sekere diskrepansies tussen sy weergawe en die slagoffer se weergawe, uit te stryk nie.

kolla ·

Hierdie verslaggewers is darem ook ‘n klomp wolwe. Kyk nou net in daai foto hoe word die klong afgeneem soos ‘n dier in ‘n hok.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.