Dros-saak: Psigiatriese verslag beskikbaar

Die beskuldigde in die hof. Foto: Jonisayi Maromo/ANA

Die 20-jarige man wat daarvan beskuldig word dat hy ʼn sewejarige meisie in ʼn Dros-restaurant in Pretoria verkrag het, is geskik om verhoor te word.

So blyk dit uit die psigiatriese verslag wat saamgestel is nadat die beskuldigde verlede maand vir waarneming in die Weskoppies- psigiatriese hospitaal opgeneem is.

Die beskuldigde het vanoggend weer in die Pretoria-landdroshof verskyn. Die hof het gehoor die verslag oor die man se geestestoestand is beskikbaar, maar dat dit nie onmiddellik by die hof ingedien gaan word nie omdat die verslag bewysmateriaal bevat wat tydens die verhoor aan die hof voorgehou sal word.

Die saak is tot 5 Maart uitgestel wanneer ʼn verhoordatum na verwagting bepaal sal word. Die beskuldigde bly tot dan in aanhouding.

Maroela Media het vroeër berig die man staan tereg op aanklagte van verkragting, besit van dwelms, aanranding met die doel om ernstig te beseer en intimidasie.

Die staat beweer die man het die meisie van die restaurant se speelterrein af tot by die toilet gevolg waar hy haar verkrag het. Volgens die staat het die kind se ma hom op heter daad betrap toe sy na haar dogter gaan soek het.


[Red] Maroela Media het besluit om nie die beskuldigde se naam bekend te maak totdat hy op die aanklagte teen hom gepleit het nie soos deur die Strafproseswet bepaal word. Artikel 154(2b) van die Strafproseswet bepaal dat geen persoon wat teregstaan op seksuele oortreding se aanklagte geïdentifiseer mag word, direk of indirek, voordat die beskuldigde nie op die aanklagte teen hom gepleit het nie. Sodra die beskuldigde gepleit het, sal Maroela Media sy identiteit bekend maak soos deur die wet bepaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
NN

Maar MM, jul het vandat die storie uitgekom het reeds sy naam orals geplaas. Too little too late ne.

Thea

Naam of de not feit bly staan hy is op heter daad betrap waar hy n dogtertjie van 7 verkrag het!!! Hy moet boet vir wat hy gedoen het!
Jongman vat my raad pleit skuldig en vat jou straf sodat hierdie nie ook in n media sirkus ontaard nie!

Realis

Hierdie foto is gekook !

Irene

Shame mense weet wie hy is. Hoekom saak uitstel as hy skuldig is. Gevaar vir samelewing vrot in tronk

christa

as hy op hetterdaad betrap is, hoekom die gesloer. Hy is mos reeds skuldig, hy is dan betrap. Howe sloer met alles wat onnodig is, is dit om meer geld uit die regering te kry