Dros-saak: Uitslag van psigiatriese verslag verwelkom

Die beskuldigde in die hof (8 Februarie 2019). Foto: ANA

Die ANC in Pretoria het Vrydag sy stem by talle ander gevoeg om die psigiatriese verslag te verwelkom waarin bevind is dat die 20-jarige beskuldigde van die sogenaamde Dros-verkragtingsaak geskik is om verhoor te word.

“Die ANC en sy ligas – die ANC-Vroueliga en die ANC-Jeugliga – het hierdie familie [van die vermeende slagoffer] van die begin af ondersteun. Ons het ons strukture gemobiliseer om ondersteuning aan die familie te bied dwarsdeur hierdie moeilike tyd,” het Kgosi Maepa, die ANC se streeksvoorsitter vir Tshwane, buite die hof gesê.

“Ons sal daar wees wanneer die saak op 5 Maart hervat word. Die ANC in Tshwane gee om en luister na ons mense en die gemeenskap. Ons sal altyd wees waar die mense is om ondersteuning te bied en hul probleme op te los.”

Maroela Media het vroeër berig die man wat daarvan beskuldig word dat hy ʼn sewejarige meisie in die badkamer van ʼn Dros-restaurant in Pretoria verkrag het, het vandag weer in die Pretoria-landdroshof verskyn. Die hof het gehoor die psigiatriese verslag wat saamgestel is nadat die beskuldigde verlede maand vir waarneming in die Weskoppies- psigiatriese hospitaal opgeneem is, is beskikbaar. Volgens die verslag is die man toerekeningsvatbaar en geskik om verhoor te word.

“Ek is baie opgewonde om te hoor hy gaan verhoor word,” het Boitumelo Thage, ʼn menseregteaktivis, buite die hof gesê. “Ek hoop die regstelsel sal sterk staan en dat hy gevonnis sal word vir verkragting en poging tot moord op ʼn minderjarige.”

Die beskuldigde in die hof. Foto: Jonisayi Maromo/ANA

Die selfverklaarde profeet, Paseka “Mboro” Motsoeneng van die Incredible Happenings Church, was ook by die hof waar die beskuldigde verskyn het. Hy sê dit is ʼn verligting dat die man op die aanklagte teen hom tereg sal staan.

“Die man is nie versteurd nie. Hy was bewus van wat ook al hy gedoen het. Jy kan nie van kameras af wegkruip as jy mal is nie. Ter wille van die familie van die slagoffer is ons verheug oor wat so pas gebeur het,” het Motsoeneng gesê.

ʼn Lid van die EFF se studentekommando, net bekend as Zilindile, het ook buite die hof betoog. Sy het gesê sy is bly om te sien dat die regstelsel “uiteindelik wakker skrik oor sake van verkragting en mishandeling”.

Die akte van beskuldiging sal aan die beskuldigde gelewer word om die saak van die landdroshof na die hooggeregshof oor te plaas. ʼn Verhoordatum sal na verwagting tydens die volgende hofverskyning vasgestel word.

Maroela Media het vroeër berig die man staan tereg op aanklagte van verkragting, besit van dwelms, aanranding met die doel om ernstig te beseer en intimidasie.

Die staat beweer die man het die meisie van die restaurant se speelterrein af tot by die toilet gevolg waar hy haar verkrag het. Volgens die staat het die kind se ma hom op heter daad betrap toe sy na haar dogter gaan soek het.

Die hof het voorheen gehoor die beskuldigde het sielkundige probleme en het al verskeie kere sy eie lewe probeer neem weens depressie wat deur ʼn bipolêre versteuring vererger word. Die polisie het ook vroeër gesê hulle het die dwelmmiddel tik in die beskuldigde se besit gevind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

52 Kommentare

jongste oudste gewildste
Johan

Die aangeklaagde is ‘n erge verleentheid vir almal. Hy verdien wat na sy kant kom. Jare gelede sou hy gekwalifiseer het vir die doodstraf….

Piet kokewiet

Ja doodstraf vir rape en moord ek kanie sien hiekom belasting betalers vir krimenele moet sorg nie.

GRIET

Jaaaa…hy verdien wat hom toekom!
VERSEKER…!!!
Net jammer,VIA VERSA van dié verkragtingssake in SA… kry ooit DIÉ SPESIALE MEDIADEKKING en thrillls nie,nehhhh…❗❗?

Renier

Die man verdien elke ellende wat op hom gaan toesak. Kindermishandelaars behoort voor die voet gehang te word, maak nie saak van ras, kleur of demografie nie. En politieke partye behoort hulle te skaam dat hulle alewig probeer inmeng wanneer daar leed of swaarkry is, want hulle weet hulle gaan publisiteit kry. Hulle gee nie werklik om vir die slagoffers nie, maar nog so bietjie meer tyd op die soustrein. Dis walglik.

Snowflake

Jammer om te hoor…. of ons dit wil weet of nie ons moet besef blankes is gedoem in die land…. eks n realis…. dit gaan nie ophou nie mense….. weet dit nou maar