Dros-saak: Uitspraak vandag verwag

Nicholas Ninow tydens ‘n vorige verskyning in die hof. (Foto: Oupa Mokoena/ANA)

Nicholas Ninow, wat erken het dat hy ʼn sewejarige meisie in die badkamer van ʼn Dros-restaurant verkrag het, staar die moontlikheid van lewenslange tronkstraf in die gesig.

Uitspraak sal na verwagting vandag in die hooggeregshof in Pretoria gelewer word.

Die verhoor het verlede Maandag afgeskop en Ninow (21) het sy weergawe van die betrokke dag in September verlede jaar gegee. Hy het gesê hy het die meisie twee keer verkrag nadat sy in die badkamer ingeloop het waar hy dwelms gebruik het.

Sy verweer is dat hy onder die invloed van dwelms was en impulsief opgetree het.

Staatsaanklaer Dorah Ngobeni het egter die beskuldigde se weergawe Vrydag gedurende slotbetoë bevraagteken. Sy voer aan Ninow se weergawe verskil van die meisie se weergawe.

Die meisie het Woensdag in camera met die hulp van ʼn tussenganger in ʼn vertrek wat met kringtelevisiekameras toegerus is, getuig.

“Sy het aan die hof gesê dat sy badkamer toe was en hy het ná haar ingekom. Die hof moet dus bevind dat hy die meisie tot in die badkamer gevolg het, sy klere uitgetrek het, haar gedreig en verkrag het,” het Ngobeni aangevoer.

Sy sê Ninow het dus nie impulsief opgetree soos hy hof wil laat glo nie.

ʼn Getuie het tydens die verhoor getuig dat sy die beskuldigde saam met die kind in die badkamerhokkie betrap het. Volgens die getuie was Ninow kaal en het hy bloed op hom gehad. Hy het ook probeer om die meisie se broekie in die toilet af te spoel.

Herman Alberts, Ninow se regsverteenwoordiger, het gesê die hof sal korrek beslis om sy kliënt skuldig te bevind op grond van sy eie erkenning.

Volgens Alberts het die staat egter geen bewyse dat die misdaad met voorbedagte rade gepleeg is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
MANIE

Die was n afskuwelike daad en netso is die verkragting van enige mens n afskuwelike daad. Ek bespeur n ras geur. Waar is al die vrouens op die foto as ander mense van hulle kleur voorhom. Nerens. Ek weet dit is omdat dit n wit seun is dat die bohaai kamtig so groot is. Die partye wat die vroue so mooi verteenwoordig in die hof is die laaste om mans in eie geledere aan te kla as daar klagtes van seksuele aanranding of molestasie is.

Johann

Doodstraf!

ES

Dit maak nie saak of dit impulsief was of nie – hy het die daad twee keer gedoen – hy moet virewig in die tronk sit!

SjN

Hy het skuld erken, vonnis hom maksimum en verwyder hom uit die samelewing, tipiese doodstraf geval.

sannie

Onbeskaamd onbeskryflik walglik ek het te min woorde.