‘Dros-verkragting’: Beskuldigde 14de op hospitaalwaglys

Die beskuldigde in die sogenaamde “Dros-verkragtingsaak” in die hof. Foto: Mia Spies/eNuus

Die 20-jarige man wat tereg staan vir die beweerde verkragting van ʼn sewejarige dogtertjie in ʼn Dros-restaurant in Pretoria, het Woensdag vlugtig weer in die landdroshof verskyn.

Tydens die beskuldigde se vorige verskyning is daar gelas dat hy in die Weskoppies- psigiatriese hospitaal opgeneem moet word vir sielkundige waarneming.

Die hof het Woensdag gehoor ʼn bed in die hospitaal is steeds nie beskikbaar nie en die beskuldigde is nou 14de op die waglys.

Die staatsaanklaer het die hof daarna versoek om die saak uit te stel aangesien daar op ʼn bed gewag word.

Die beskuldigde het soos by sy vorige verskynings met sy kop geboë in die beskuldigdebank gestaan en vandag voortdurend sy oë gevryf en gesnuif.

Betogers buite die hof (28 November 2018). Foto: Mia Spies/eNuus

Agter hom het verskeie verteenwoordigers van politieke partye, burgerlike organisasies en aktiviste, asook talle verslaggewers die hofbanke volgepak. Die saak is tot 15 Januarie uitgestel.

Die staat beweer die beskuldigde het in September vanjaar die slagoffer in die Dros-restaurant agtervolg toe sy toilet toe gegaan het en haar daar verkrag. Die dogtertjie se ma het hom na bewering op heterdaad betrap toe sy na haar kind gaan soek het.

Die beskuldigde staan tereg op aanklagte van verkragting, dwelmbesit, aanranding met die doel om ernstig te beseer en intimidasie. Hy het nog nie op die aanklagte teen hom gepleit nie.

Lees alle vorige berigte oor die Dros-verkragtingsaak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

23 Kommentare

Namgrl ·

Regtig Barend….. Hierdie persoon is op die daad gevang. Wat meer wil jy he? Ek gaan hom veroordeel – want, glo my, as dit my kind was – ek sou nie verantwoordelik wees vir my dade nie… – dan sal ek ook veroordeel – die is ‘n onvermeidelike ding…ONS WIL OORDEEL.

Alhoewel die Bybel duidelik is dat slegs God oor mense oordeel en dat dit ons nie toekom nie, is die Bybel ook baie duidelik dat ons die sonde moet oordeel. Dit is ons plig om dit te doen. Ons moet natuurlik nooit uit die hoogte oordeel nie, want geen mens is sonder sonde nie. Daarom moet dit nederig gedoen word.

Trix ·

Sommige mense se rassisme ruk so handuit dat hulle die boosheid self sal verontskuldig as dit ‘n wit vel het.

Abe ·

Namgrl
Baie goeie antwoord wat jy met die grootste verantwoordelikheid kan verdedig.

Abe ·

BAREND,
Dit is elke mens se reg, nee, plig, om elke onreg in die wereld af te keur en te veroordeel.

Melt Olckers ·

Die Staat het ook van God die mag ontvang om misdadigers te veroordeel om sodoende die gemeenskap te beskerm.
Aan die ander kant is dit reeds duidelik deur middel van inligting wat nou in die openbare domein is dat die knaap skuldig is aan ‘n predatoriese seksuele aanval op ‘n kind. Hy was uit op jag. Video opname wys hoe hy kaal in ‘n openbare toilet staan. Hy het ook onwettige dwelm middels by hom gehad.
Om ‘n gevolgtrekking te maak uit bevestigde inligting is nie veroordeling nie. Almal kan die somme maak en sien dat 1 + 1 = 2.
Die knaap probeer nou wegkruip agter Bipolere Depressie. Dit wys dat hy sy daad erken, maar probeer nou bewys dat hy nie toerekeningsvatbaar is. Dit terwyl Bipolere Depressie jou nie sulke dade laat doen nie. Ek sou eerder dink dat hy ‘n psigopaat is wat ook die kind en haar ma verder gaan traumatiseer deur hulle te dwing om te getuig.
Hy maak ‘n fout om Weskoppies toe te gaan. Wat daar gaan uitkom gaan dat die Hof aan hom ‘n net ‘n swaarder straf gaan ople.

ELIZABETH ·

Hoekom moet hy dwelms gebruik. Dit verander jou denke en dade. Die kind se hele toekoms is nou daarmee heen. Ek veroordeel dit ten sterkste. Hy moet swaar gestraf word want hy het ook die daad vooraf beplan.

Nettie ·

@Namgri …… o, ek sien, ja – jy was mos daar, nè? Jy het mos gesien hoe die outjie die meisie verkrag …. of nee ….e…. wag, jy het seker “gesien” op sosiale media en in die koerante …..

Reg, Barend – wie is ons om te oordeel? Die einste Bybel waarna Namgri so goedgunstiglik verwys, sê ook “Die oordeel kom My toe”. En ook dat “diegene wat sonder sonde is …..”

Namgrl ·

Nettie, wat probeer jy se? dat jy nie dink dit het gebeur nie – nadat soveel teen die persoon kan bewys word. nadat so baie oe dit gesien het – meer as ‘n paar. Nettie, wil jy vir my seg dat, (ek maak ‘n voorbeeld), as so iets met jou dogter gebeur het, maar jy was nie daar nie…en jy hoor die deur ‘hoorse’, gaan jy dit ligtelik opvat? Wat/hoe gaan jou reaksie wees.

elkeen het sy/haar reg vir hul eie opinie, nes ek en jy. Die teks wat ek aagehaal het is, vir ons almal, tog oordeel ons almal, stry kan jy nie.

Ek seg weer, hemele bewaar my, en daardie ‘outjie’ as so iets met my dogter(tjie) moet gebeur. laat daar net ‘n klein tipe van aanduiding wees, ek sal nie verantwoordelik wees vir my dade nie. Ek oordeel. In vandag se lewe gebeur so baie onnodige goed met ons kinders, ons kan nie eers wag om seker te maak nie, ons MOET OPTREE, ontjou, die pyn van die kleintjie, onthou die vrae agterna, onthou die hartseer, onthou ‘jou’ pyn…. EK OORDEEL, nie uit hoogheid nie….

Johann M van Heerden ·

Die verkragter, as hy skuldig bevind word, moet die swaarste moontlike straf kry. Ek moet egter byvoeg dat die betogings duidelik rasgedrewe is en deur politieke partye aangestook word. Hoekom betoog die nense nie so by die howe waar swart mense voorkom as hulle wit mense aanval nie?

Abe ·

Namgrl,
Ek stem weereens saam met jou. Natuurlik mag ons n oordeel uitspreek oor ‘n onreg wat in ons opinie gepleeg word. Veral wanneer dit gaan oor n onreg teenoor n weerlose, swak, hulpelose wese soos in hierdie geval.

Ellie ·

Nou moet ons hom jammer kry. Ek hoop hy gaan tronk toe sodat aan hom gedoen kan word wat hy aan die dogtertjie gedoen het. Ek hoop hy vrot in die tronk.

brens ·

Wat het ras met die saak te doen? Hierdie man moet die swaarste straf denkbaar gegee word. Hyt gesit en wag vir die meisietjie, haar dopgehou!! mag hy sy dag kry en daarvoor boet.

MS ·

Natalie? Is jy ernstig? Hy is op heterdaad betrap – wat meer wil julle he? Daai arme meisiekind se lewe is verniel, waar is haar “justice”? Of is jy een van daai mense wat se vrouens en kinders wat verkrag word “het daarvoor gesoek”?

Mel ·

Ek is geneig om saam te stem. Hy is nog nie skuldig bevind nie. Hy LYK baie skuldig, maar ek weet nie – iets omtrent die storie pla my nog. Maar as hy skuldig is…as dit my kind was sou ek mal word!

Laat ons kyk wat gebeur.
Dis net vir my erg om te weet Weskoppies en ons tronke is oorvol. Skrikwekkend amper.

K vanA ·

Ons mag nie iemand VEROORDEEL nie,maar kan iemand BEOORDEEL volgens sy dade. Ek dink daar is ñ verskil.

Chaos ·

Ek laat nie vir my vertel dat daar nie ‘n bed vir hierdie man in die hospitaal gevind kan word nie. Hy moet mos voorkeur kry, aangesien ‘n hofsaak daarvan afhang. Dis onaanvaarbaar! Ek is skaam om te sê dat ek in Suid-Afrika bly, want daar is net te veel goed wat op die oomblik in chaos gedompel is.

De Villiers ·

Kan Maroela Media asseblief NIE die naam ‘Dros’ by hierdie saak noem nie, want dit veroorsaak negatiewe publisiteit vir die Dros-groep, wat eintlik niks met hulle te doen het nie. Hierdie verkragter kon dit in enige winkel of op enige plek gedoen het waar hy ‘n geleentheid kon kry. Ongelukkig was hierdie voorval in ‘n Dros-restaurant. Hulle het selfs die saak reg hanteer met die slagoffer en haar gesin. Hierdie versoek is al op ‘n vorige geleentheid op MM genoem, maar julle beskou hierdie versoek nie in ‘n ernstige lig nie, en rig net onnodige skade aan ‘n onskuldige restaurant. Asseblief MM, gee nou aandag aan hierdie versoek.

GP ·

Sterkte aan hierdie man. Sover ek weet was die video opname nie van die daad self nie. Meer as 17 000 kinders word jaarliks in hierdie siek land verkrag. Hoekom is die een nou skielik so erg en ander kom absoluut niks oor nie. Hou op die man oordeel. Dink hy is al deur meer as meeste ander kinder verkragters. Stem saam as hy skuldig us is dit erg maar wees ook bietjie konsekwent.

Abe ·

GP,
Dit is elkeen se plig om te veroordeel as n onreg teenoor n kind gepleeg is. Dit beantwoord ook die brigade van “wie is jy om te oordeel” en ” jy was nie daar nie” en “onskuldig totdat skuldig bewys”.

Abe ·

GP,
Omdat baie misdade van hierdie aard in hierdie land gepleeg word, beteken nie dat die man se misdaad minder ernstig of verskoonbaar of nie veroordeel moet word nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.