DStv-gebruikers gaan meer opdok

DStv logo 2010MultiChoice het Dinsdag aangekondig die pryse van al sy DStv-pakkette word vanaf April verhoog.

Die maatskappy het in ʼn verklaring gesê hulle kon oor die afgelope vyf jaar daarin slaag om hul prysverhogings in lyn met inflasie te hou, maar die verswakking van die rand onlangs het hom swaar getref.

“Die rand se waarde het sedert April 2015 met 29 sent verswak en aangesien die meeste van ons programme in buitelandse geldeenhede aangekoop word, het dit ʼn reuse uitwerking gehad op die koste daarvan om die heel beste inhoud aan te koop,” het MultiChoice gesê. “Ons het steeds ons bes probeer om ons fooie hanteerbaar te hou.”

Van 1 April sal DStv-intekenaars R759 vir die Premium-pakket betaal, in plaas van R699 soos in 2015. Die Extra-pakket sal van R425 na R459 verhoog word, terwyl kykers nou R345 vir die Compact-pakket sal moet opdok. Die Family-pakket sal nou R219 per maand kos, die Access-pakket R99 per maand en die Select-pakket R219.

Filmverhurings deur die Box Office-funksie sal van April R35 per film beloop, R5 meer as in 2015.

Maroela Media het vroeër berig kykers het sedert Augustus 2015 ook die opsie om in te teken op Naspers se nuwe internetstroomdiens, ShowMax, teen R99 per maand. Intussen het Netflix ook aangekondig sy internetstroomdiens is nou amptelik in Suid-Afrika beskikbaar teen $7,99 (R126) per maand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

74 Kommentare

jongste oudste gewildste
FunnyFace

Ai, ai, ai! Mens betaal darem nou baie vir al hul herhalings. Dan het hul sommer almal se gunsteling Animal Planet van die Compact pakket ook verwyder. Dit laat mens dink. Hul kort kompetisie.

Mossie

Ha ha ha meer betaal vir 5 jaar terug se uitsendings . Hulle Kimberley

Asjas

Ek gooi laas maand se tjek weer jn die pos.

Piet Pompies

Is hierdie nou ‘n 1 April grappie?
Sowaar, DSTV doen net wat hy wil, haal programme af sonder om kliente in kennis te stel, die res is herhalings, ek dink my premies moet hulself ook herhaal.

Strikdas

Nee wat hulle kan maak wat hulle wil as dit nie virdie sport was nie het hulle lankal afgechop , minister van sport julle hou nasionale sport soorte weg van mense wat nie kan bekostig om dit te sien op T.V nie , hoekom verryk julle multichoice so!!!!Ons is multichoice se gysellaar!want hulle besit ons sport!