Dubbele bondel vreugde vir bekende sangpaar

Willie en Natasha Joubert. Foto: Facebook

Willie en Natasha Joubert. Foto: Facebook

ʼn Video van die sangpaar volg onderaan die berig.

Willie en Natasha Joubert, ʼn bekende sangpaar van Gauteng, het Vrydagoggend die trotse ouers van ʼn tweeling geword.

Willie het Vrydag ʼn foto van sy vrou en die nuwe toevoegings tot hul gesin, ʼn seuntjie Luan, en dogtertjie Chloe, op sy Facebook-blad gedeel. In die foto straal die egpaar van geluk en Willie skryf by die foto: “Dit sê alles”.

Willie het aan Maroela Media gesê dit gaan baie goed met Natasha en die tweetjies en almal is gesond. “Daar was geen komplikasies nie, ons is oorstelp van vreugde en baie geseënd.”

Willie het vroeg Vrydagoggend op Facebook geskryf: “Vandag is die groot dag… Ek lê al vroeg wakker en praat met die Here wat hulle aan ons toe vertou, wat hulle perfek gevorm het vir 37 weke. Ek is so dankbaar, opgewonde om hulle saggies te verwelkom in ons wêreld.”

Hy skryf Lizay, die egpaar se eersteling wat amper drie jaar oud is, verstaan als so goed en “kry nou ʼn boetie en sussie by Jesus”, in haar eie kinderlike woorde. Hy het bygevoeg dat hy wens Menanteau en Nastassje, sy ouer seun en dogter uit ʼn vorige huwelik wat in die Kaap bly, was by hulle om dit ook te kon beleef.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

AmY ·

Baie geluk julle twee. Julle is sommer dubbled geseën. Geniet hulle en sterkte met die pajamadril.

Trudie Pienaar ·

Baie baie geluk mamma + pappa Joubert. Dit is n rykdom wat mens met die grootste genoegdoening vul. Mag julle altyd net die grootste vreugde uit hulle groot maak put. God met julle****

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.