‘Dubbele standaarde skep rassisme’

Pieter Groenewald. Argieffoto: Twitter

Die Vryheidsfront Plus het Maandag gesê dit is kommerwekkend dat die strafregstelsel tans in sommige gevalle met dubbele standaarde toegepas word wat rassisme skep en bevorder.

“Deel van die strafregstelsel is die uitvoering van inhegtenisnemings deur die polisie. Indien die bekende KFC-geval, waar vyf wit beskuldigdes gearresteer is en waar daar op niemand geskiet is nie, vergelyk word met Carine Van Staden-geval waar ʼn swart beskuldigde ʼn wit vrou geskiet het, maar nie in hegtenis geneem is nie, skep dit dubbele standaarde en is dit rassisme,” het Pieter Groenewald, leier van die Vryheidsfront Plus gesê.

“In die KFC-geval sit van die mans nou al drie weke agter tralies weens die verpligte proses om by die hof borgtog te kry. In die Van Staden-geval was die beskuldigde nie een dag agter tralies nie en is hy sonder borgtog op vrye voet. Dit is dubbele standaarde.”

Groenewald het gesê in terme van regspraak word die beskuldigdes in die sogenaamde doodskis-saak skuldig bevind aan poging tot moord. “Dat hulle ʼn verfoeilike daad gepleeg het stem almal mee saam, maar om te bevind dat – sou hulle voortgegaan het – die slagoffer vermoor kon gewees het, laat baie vrae ontstaan. Penny Sparrow word weens haar uitspraak wat swart mense met bobbejane vergelyk – wat die Vryheidsfront Plus ook sterk veroordeel en verwerp – swaar beboet, maar Velaphi Khumalo wat sê wit mense moet uitgemoor word soos Hitler met die Jode gedoen het, word net oor die vingers getik. Dit is dubbele standaarde.”

Hy het gesê daar is baie ander voorbeelde van hierdie dubbele standaarde wat die Vryheidsfront Plus ten sterkste veroordeel. “Rassisme word gepleeg deur swart én wit en moet sterk veroordeel word in albei gevalle. Die grondwet bepaal dat almal gelyk is voor die reg, maar dit moet ook in die praktyk toegepas word,” het hy afgesluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
Boerseun

Gevorseerde integrasie skep rassisme. Kulture meng nie, dis al oor en oor bewys maar julle hou nog aan met dit? Soos om aanhoudnd in n muur vas te loop met die hoop jy gaan n ander uitkoms geniet

Edward

Sorry oom, maar jou pleidooi in parlement gaan net op dowe ore val. die volk is gemerk en geregtigheid seevier lankal nie meer nie

Pietet

Ons almal is gelyk. Dit glo ek opreg. Party is net meer gelyk as ander.

Daan Erasmus

En die DA is doodstil. En Mmusi Maimane is doodstil. Kom ons gee die DA kans om te reageer.

Afrikaanse Knaap

Iemand moet dit sê.