Dubbelmoord in Marlothpark: ‘Dit is verskriklik’

Die dubbelmoord in Marlothpark in Mpumalanga ook in ander wêrelddele opslae gemaak. So het die Nederlandse koerant De Telegraaf daaroor berig. (Skermgreep: De Telegraaf)

Die dubbelmoord op twee inwoners van Marlothpark, naby Komatipoort in Mpumalanga, het nie net skokgolwe deur die plaaslike gemeenskap gestuur nie, maar ook internasionaal hoofopskrifte gehaal.

“Dit is verskriklik,” het die Nederlandse koerant De Telegraaf die afgelope naweek berig oor die voorval waarin Koen Collier (53), ʼn Belgiese burger, en Alberta van der Meer (74), ʼn Nederlander, gesterf het.

Edda Seifert (80), ʼn Belgiese burger, en haar dogter, Edda van den Berg (53), het die aanval oorleef. Van den Berg en Collier was getroud.

Maroela Media het vroeër berig die groep is Woensdagmiddag in hul vakansiehuis in Marlothpark deur ʼn groep mans oorval. Marlothpark is digby die Mosambiekse grens.

Brig. Leonard Hlathi, polisiewoordvoerder, het gesê die slagoffers is vasgebind en lappe is in hul monde gedruk. Collier en Van der Meer het versmoor.

Die Nederlandse koerant De Telegraaf het die moorde as “verskriklik” bestempel. (Skermskoot: De Telegraaf)

Volgens Hlathi het die aanvallers daarna net met enkele items gevlug.

Hulle is steeds op vrye voet.

De Telegraaf skryf die twee het ʼn “wrede dood in gewelddadige Suid-Afrika gesterf” en dat dit verskriklik is dat Collier se vier kinders hul pa op dié wyse verloor het.

Collier en sy vrou is die eienaars van die Catembe Gallery Hotel in Maputo. Hy het volgens berigte verskeie ander ondernemings in Mosambiek besit. Verskeie mense het op die hotel se Facebook-blad hul medelye met die betrokke families betuig.

Club of Mozambique het intussen berig die voorval het die Laeveld geruk.

  • Die polisie het ʼn beroep gedoen op enigiemand met inligting oor die aanval in Marlothpark om sers. Vusi Moses Thobela te bel by 082 449 0242.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Anoniem

Welkom in Suid Afrika.

Ek kan nie verstaan wat mense besiel om hier te wil kom en vakansie hou nie. Lees hulle nie berigte in die media nie?

Se maar net

Welkom in Suid Afrika, dit is die realiteit wat ons almal elke dag mee saamleef en wat toegesmeer word deur ons regering in die buiteland as leuns. Baie jammer vir die mense wat hulle familie verloor het op so wrede manier

T

https://maroelamedia.co.za/nuus/sa-nuus/plaasaanval-naby-nelspruit-aanvaller-geskiet/

dis mos niks ongewoond nie? blaai deur Maroela media se geskiedenis en dit is mos nou wat gebeur? Sad .. but true

Woedend

En dit is hoe ons eens pragtige Suid Afrika uit gebeeld word, GEWELDADIGE SUID AFRIKA. My innige simpatie aan die families

lizzi

Dit het regtig ondaard in ‘n dag tot dag stryd om te oorleef in hierdie land – wat ‘n skande!