Duduzane se aansoek om ontslag geweier

Duduzane Zuma en sy regsverteenwoordiger, adv. Mike Hellens SC, in die Randburg-landdroshof. (Foto: Karen Sandison/ANA)

Die Randburg-landdroshof het Vrydag Duduzane Zuma se aansoek om ontslag teen die aanklag van strafbare manslag teen hom, van die hand gewys.

Zuma, seun van oudpres. Jacob Zuma, staan tereg op aanklagte van strafbare manslag en roekelose en nalatige bestuur in verband met ʼn ongeluk op 1 Februarie 2014 waarin Phumzile Dube dood is nadat Duduzane se luukse Porsche 911 met die minibus-taxi gebots het waarin sy gery het.

Adv. Mike Hellens (SC), Zuma se regsverteenwoordiger, het vroeër die week die aansoek om ontslag gebring en aangevoer dat die staat in gebreke gebly het om die klagte van strafbare manslag en nalatigheid te bewys. Volgens hom het die staat nie getuies of getuienis om op staat te maak om sy saak te bewys nie.

In sy aansoek om ontslag het hy gesê omdat die staat se saak swak is en daar nie gronde vir skuldigbevinding is nie, mag Duduzane nie opgeroep word om self te getuig nie. So ’n besluit sal volgens hom ongrondwetlik wees en ruimte skep dat Duduzane homself in die proses inkrimineer. “Die staat het niks en ons gaan nêrens met die saak nie,” het Hellens aangevoer.

Noudat die aansoek van die hand gewys is, sal die verhoor teen Zuma voortgaan.

Hou Maroela Media dop vir meer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Ann

Hy gaan weereens wegkom sonder enige straf. Goed geleer by PA hoe om die regstelsel te misbruik.

Dell

Ag mag daar van hom ‘n voorbeeld gemaak word, om die vertroue in ons howe te herstel.

Aap

Waar is sy BEE lawyer ? Hoekom wit man wat hulle so haat ?

ne

Sien is glo. Hy sal wegkom soder straf. Maar daar is nog staatskaping wat voorlê. Dan sal hy seker saam met jz weer onskuldig pleit.

Dries du Toit

Hoe op dese aarde kan jy jouself inkrimineer as jy dan onskuldig is.???