Duisende by myn dalk hul werk kwyt

Argieffoto

Die vakbond Solidariteit het Woensdag bevestig dat hy ʼn afleggingskennisgewing van die mynmaatskappy AngloGold Ashanti (AGA) ontvang het.

In die kennisgewing word gemeld dat sowat 8 500 werkers deur dié aflegging beïnvloed kan word.

Die vakbond het in ʼn verklaring gesê dat daar ʼn tendens van afleggings in die mynbedryf kan volg weens die negatiewe uitwerking wat die mynbouhandves op mynhuise gaan hê.

Volgens Connie Prinsloo, adjunkhoofsekretaris van die mynboubedryf by Solidariteit, is die aankondiging veral kommerwekkend in die lig daarvan dat AGA se werksmag onlangs tydens ʼn vorige afleggingsproses met ongeveer 990 poste verminder is.

“Die vakbond gaan nou intensief met die bestuur van AGA in gesprekke tree met die doel om oplossings te vind om soveel moontlik poste by die myn behoue te laat bly. Solidariteit sal natuurlik verheug wees oor elke pos wat moontlik gered kan word,” het Prinsloo gesê.

“Die 189-proses, soos deur die Wet op Arbeidsverhoudinge uiteengesit, moet egter eers begin waarna Solidariteit in die beste belang van sy lede sal kan optree,” het hy verduidelik. “Die Kommissie vir Versoening, Bemiddeling en Arbitrasie (KVBA) gaan nou ʼn kommissaris as fasiliteerder aanwys waarna die proses sal begin en meer inligting beskikbaar sal wees.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Andre

Hierdie is net die begin van groot hartseer en skade wat kom as gevolg van die Mynbou-handves. Die Handves se doel is om politieke punte aan te teken en ‘n baie klein groepie van die kripvreter-garde te bevoordeel. Diegene wat benadeel gaan word is die mense wat sonder werk gaan sit.

hannes marais

siener van rensburg het gesien die myne staan doodstil

Willie

Ek het nou op Kyknet gekyk waar hulle met Andile (BLF) president gepraat het. Die rassis beweer die afgradering en rissessie is deel van elke swart e se plant , om alle blankes alles te laat verloor en dan oor te vat. Hy stel dat plaas en mynwerkers ss slawe op plase werk vir min geld. Hulle mag nie meer vir n wit man werk . Hy soek beheer oor banke sodat swartmense sonder rentes geld kan leen. Hierdie man het vanaand bewys dat hy n nonsesprater net soos Terblanche gedoen het doen en niks bonusplan het nie. Dy koppie… Lees meer »

CHRISTA

Dit spaar die mynwerkers nou die moeite om aan onwettige stakings deel te neem!! Nou kan hulle mos by die huis bly!!

Scalla

Nog n bewys dat ons eens pragtige land rommel status geniet danksy n korrupte regering.