Duisende by optog in Pta-middestad

Foto: ANC/Twitter

Foto: ANC/Twitter

Verkeer in die Pretoriase middestad is Vrydagmiddag tot ʼn stilstand gebring deur duisende ANC-ondersteuners wat ʼn optog na die Uniegebou in Pretoria gehou het.

Volgens die ANC is die optog gehou vir “eenheid en nie-rassigheid”. Talle ondersteuners het geel ANC-hemde aangehad met onder meer die woorde “Hande van Zuma af” en “Stem ANC” daarop.  Ondersteuners is met busse na Burgerspark in die middestad vervoer voordat die optog na die Uniegebou begin het.

ʼn Hoë veiligheidsheining het ondersteuners geskei van die party se leierskap, wat talle ministers en die burgemeester van die Tshwane-metro, ingesluit het. Gwede Mantashe, sekretaris-generaal van die ANC, het Donderdag gesê die optog word nie uit protes gehou nie, maar behels die mobilisering van die gemeenskap teen rassisme.

“Die ANC doen ʼn beroep op Suid-Afrikaners om nie rassisme bloot as ʼn volgehoue uitdaging te sien om te verenig in aksie nie, maar om dit saam met al die ander vorme van diskriminasie uit te wis,” het Mantashe gesê.

“Ons mense was op dieselfde manier verenig teen apartheid. Die ANC beoog om alle Suid-Afrikaners, swart en wit, te mobiliseer om by te dra tot die voortgesette transformasie van ons land.”

Die Tshwane-metro het gesê talle strate in die middestad en omgewing sal tot 16:00 geraak word deur die optog. “Die optog beweeg van Burgerspark na die Uniegebou, via Lilian Ngoyi- en Madibastraat. Die strate wat met dié strate kruis, sal tydelik gesluit en heropen word soos die optog voortbeweeg,” het sr. supt. Isaac Mahamba gesê. “Jeff Masemola- en Thabo Sehume-straat sal ook gesluit wees. Tshwane-metrobeamptes sal al die betrokke strate monitor. Motoriste word aangeraai om die middestad te vermy en alternatiewe roetes te gebruik.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Michael

Die wit mense sal maar min wees by die optog want ons kultuur is om te werk en op te bou en ons kinders op te voed so ons het nie tyd vir om optogte by te woon vir iets waarin ons ons nie skuldig maak nie.

MJL

Goed. ‘n Goeie begin sal wees as Zuma om verskoning vra vir al sy rassistiese opmerkings!

Ken

RERIG???? Teen-rassisme optog my voet! Dis bloot ANC propaganda hierdie en ‘n verkiesingsveldtog vir hulle. Kyk net die t-shirts, gemerkte karre ens…… Niks met anti-rassisme te doen nie.

m

Ai ma die mense het darem ma tyd vir allerande strooi. En so vergaan die land met al hierdie getoi toi.

kobus

Dis maar n munisipale verkiesings propaganda-optog. Wonder wie finansier dit.