Duitse toeris val ver

Argieffoto ter illustrasie (Humpback Dolphin Trail-pad by Port Elizabeth-strand. Foto: Firefly Africa via portelizabethdailyphoto.blogspot.com)

ʼn 28-jarige toeris van Duitsland is baie ernstig beseer toe hy Dinsdagmiddag van ʼn wandelplank op die strand by Port Elizabeth geval het.

“Die man het glo teen die reling geleun toe dit meegegee het,” het Chris Botha, woordvoerder van Netcare 911, in ʼn verklaring gesê. “Hy het ʼn paar meter tot op die strand geval.”

Paramedici moes ver na die pasiënt toe stap met al hul toerusting. “Hulle het die man op ʼn draagbaar vasgemaak en toe na die oppervlak van die pad opgehys,” het Botha verduidelik. Hy is na ʼn plaaslike hospitaal geneem vir verdere behandeling.