Argieffoto
Ses mense, insluitend twee kinders, is Sondagaand in ʼn ongeluk op die N11 naby die Dundee-afrit in KwaZulu-Natal oorlede.
“Ses mense, insluitend twee kinders, onderskeidelik vier en agt jaar oud, het in die ongeluk omgekom,” het Werner Vermaak, woordvoerder van ER24, gesê. Al die slagoffers het vermoedelik in dieselfde motor gery.
Vier mense uit ʼn tweede voertuig is met ernstige beserings na die Laverna-hospitaal in Ladysmith geneem.
Die oorsaak van die ongeluk is nie duidelik nie. Plaaslike owerhede sal verder ondersoek instel.
