Durban lyk soos ʼn oorlogsone

Die polisie beheer die xenofobie in Durban se middestad (14 April 2015) Foto: @ECR_Newswatch, Twitter

Die polisie beheer die xenofobie in Durban se middestad (14 April 2015) Foto: @ECR_Newswatch, Twitter

Gedeeltes van Durban het laat Dinsdagmiddag soos ʼn oorlogsone gelyk weens geweld tussen plaaslike inwoners en uitlanders.

Winkels in die middestad moes hul deure sluit nadat ʼn bende uitlanders met knopkieries aangeval het en hul winkels in Durban geplunder het. Die metropolisie het hul na die toneel gehaas om seker te maak dat die winkels behoorlik gesluit is terwyl sommige uitlanders gevlug het sonder om dit behoorlik te sluit.

Uitlanders het van ʼn woonstelblok in Weststraat taxis met klippe bestook en die voertuie se vensters uitgegooi. Van die plaaslike inwoners is ook met klippe bestook.

Die polisie moes uiteindelik van traangas gebruik maak om die groepe uit mekaar te verdryf.

“Ons word aangeval, die mense kom van oral,” het Richard Condonso, ʼn uitlander wat ʼn winkel besit, gesê. Hy het gesê die plaaslike inwoners het hulle in ʼn hoek in gedryf. “Ons sal terugbaklei, ons sal onsself verdedig.”

ʼn Plaaslike inwoners, wat anoniem wou bly, het gesê die uitlanders verdien wat hulle toekom. “Ons is moeg vir hulle. Die misdaadkoers het toegeneem.”

Jay Naicker, woordvoerder vir die polisie, kon nie vir kommentaar bereik word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Dalleen

Dit is glad nie te sê dit is (net) die uitlanders wat die misdaad pleeg nie. Deur ander mense aan te val met die doel om hulle dood te maak, raak ons locals ook deel van misdaad. Dink hulle dat werkgewers veel eerder dan die geweldadige locals wil aanstel? As hy kans sien om ‘n ander swart persoon aan te val, is die kans goed dat hy ‘n wit persoon ook (sonder om te huiwer) sal aanval as dinge nie na sy idees werk nie.

Bosvark

Ons is ook immigrants wat die reg het om hier te bly. Hulle gaan ons ook so uitmoor, inteendeel hulle het klaar begin.

Leon

Dit lyk of net n sekere groep wat wetting handeldryf geteiken word. Wat van die wat wel bekend is vir mense handel en dwelm handel? Daar is ook n groep buitelanders wat spesialiseer in huisbraak. Ons het self al deurgeloop. Die oorgrote groep buitelanders in Durban is volgens my mening vreedsaam. Die SAPD en Binnelandse Sake moet n gesamentlike poging aanwend om die ongewenste elemente op te spoor en hul te vervolg. Grens en toegang beheer moet opgeskerp word.

ladybug

Ek’t lankal gese die GROOT drama kom nog met die uitlanders wat so instroom van oral uit Afrika. Meeste kry nie werk nie en gaan dan nie terug na hul land van oorsprong nie, sit rond, raak betrokke by misdaad en kos ons land geld!

STuur die lot van hulle terug na hul geboorte lande en misdaad sal met tot 80% afneem!

Nico

Die grootste persentasie misdaad word nie deur buitelanders gepleeg nie. Dit is meestal ons eie mense. En buitendien die klomp wat winkels besit is gewoonlik wettig. Om hulle nou te teiken is nie regverdig teenoor hulle nie. Ek ken persoonlik heelwat mense wat onwettige Zimbabwiers in hul diens het. So help hulle onwettige immigrasie.