(Foto: SA Polisie)
ʼn Beampte van die Suid-Afrikaanse Polisiediens in KwaZulu-Natal is in hegtenis geneem op aanklag van korrupsie.
ʼn Man het die provinsiale polisie se teenkorrupsie-eenheid op 6 Maart gekontak oor ʼn beampte, wat dranklisensies en lisensies vir tweedehandse ware uitreik, wat hom genader het oor boetes ter waarde van R9 000, het brig. Jay Naicker, woordvoerder van die polisie, gesê.
“Die verdagte het die informant glo belowe dat hy sal seker maak die boetes word teruggetrek as hy omkoopgeld van R3 000 betaal word. Die informant het aan speurders gesê hy het in Februarie 2020 altesaam R1 500 aan die verdagte oorbetaal. Die verdagte het toe die oorblywende R1 500 geëis. Die man het in hierdie stadium besluit om die polisie te kontak en die saak aan te meld,” het Naicker gesê.
Beamptes van die teenkorrupsie-eenheid het die 48-jarige man Vrydagmiddag by ʼn vulstasie in Isipingo in hegtenis geneem toe hy die kontant van die informant ontvang het. “Hy sal na verwagting Maandag in die Durbanse landdroshof verskyn op aanklag van korrupsie.”
Net die klein vissies word gevang
Ek weet nie hoeveel lesers besef die harde waarheid in Sean se kommentaar. Die Zondo-kommissie lyk vir my na ‘n kommissie-skepping terwyl munisipaliteite sonder ophou geskaak word en die staat kla net oor staat-kaping.