Die Durban-Universiteit vir Tegnologie (DUT) het bedrywighede by al vyf sy kampusse in die stad tot verdere kennisgewing opgeskort nadat hordes voornemende studente opgedaag het om vir toelating te registreer.
Die DUT sê ʼn groot getal mense het Dinsdag op die sportsentrum van die Steve Biko-kampus toegesak nadat ʼn fopnuusboodskap versprei is waarin mense genooi word om op kampus te registreer. “Die universiteit het nie ʼn uitnodiging vir enige instap-registrasies gerig nie,” lui ʼn verklaring van die DUT.
Die steun wat op die kampus vir aanlyn registrasies gebied is, is gevolglik gister reeds opgeskort. Gewone aanlyn registrasie duur soos gewoonlik voort, maar sonder enige steun op kampus.
Die universiteit sê die groot getalle ongenooide mense op kampus is boonop ʼn oortreding van Covid-19-bepalings.
Intussen het ʼn beduidende getal mense oornag die sportterrein beset en geweier om die kampus te verlaat.
“Deur die loop van die oggend het die situasie vererger met betogers wat op die Steve Biko-kampus saamdrom, klippe na geboue gooi, die universiteit se eiendom beskadig, openbare paaie versper en verskeie verdere pogings aangewend het om meer geboue op kampus te beset.
“Die universiteit het alle betrokke wetstoepassingsowerhede gevra om die moontlik gevaarlike situasie in bedwang te help hou. Dit het duidelik geword dat dit moeilik is om te beheer en vererger word deur al hoe meer mense wat hul weg na ander gedeeltes van die Durban-kampusse probeer oopdwing,” sê die universiteit.
Daar is dus besluit om alle DUT-kampusse in Durban te sluit.
I received a “proof” email issued by the #DUT Deputy Vice Chancellor of Teaching & Learning which was written to Faculties last week Thursday. This is a messages which has resulted to thousands of students to make their way to Durban University of Technology yesterday. pic.twitter.com/HN3u66wpkN
— Sakhiseni Nxumalo (@SakhiNxumalo) April 7, 2021
Iemand het lekker “gestir” en wil aspris chaos veroorsaak en het dit reggekry.
Mal emma en die Empty Fools Forever natuurlik
Dis mos maklik kyk wie het die flyer uitgestuur en kla hom aan maar niks sal gebeur want dit was een van our people
En as hulle nie gou genoeg hul sin kry nie, word klippe opgetel. Klipgooi en aan die brand steek moet mos die probleem oplos.
Kan net dink wie agter hierdie gemors sit! Seker weer Rooikappie