‘Duur, swak geboude’ tydelike huise moet ondersoek word

Lindiwe Sisulu (Foto: Chantall Presence/ANA)

Die minister van behuising, water en sanitasie, Lindiwe Sisulu, het haar direkteur-generaal opdrag gegee om ʼn ondersoek te begin na die bou van tydelike huise by Silahliwe en Linda Mkhondo in Harrismith in die Vrystaat.

“Dit kom na kommer uit verskeie oorde dat die strukture swak gebou is en heelwat geld gekos het,” het die departement Sondag gesê.

Volgens die departement moet aan sekere voorgeskrewe spesifikasies voldoen word.

“Ons het ʼn verantwoordelikheid om ons beperkte hulpbronne slim te bestee. Daar moet waarde wees vir elke sent wat ons bestee. Swak vakmanskap gaan nie geduld word nie,” het Sisulu gesê.

Die minister het gesê indien bevind word dat afgewyk is van die voorgeskrewe bepalings, gaan stappe gedoen word om die situasie reg te stel, asook opgetree word teen diegene wat die oortredings begaan het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Nie Verbaas

Ek kan nie verstaan nie. Wie het oorspronklik inspeksie op strukture gedoen? Wat gebeur as huise nie san spesifikasie voldoen nie? Hoe gaan die skim ANC geld verhaal? Sy is net nog n grap wat nou ewe skielik omgee.

Adriaan

Sy lyk asof sy net vinnig n draai op kantoor gemaak het om werk uit te deel maar eintlik oppad was om paintball te gaan speel.

Persheks

Almal word ondersoek, maar niemand al in oranje pakkies nie! Hoeveel kos dit nou weer?

Jaco

Hou net op lieg. Die mense wat dit gebou is weg. En die geld is klaar. Huise is klaar gebou en wat nou.

Kokerboom

Die pateet van ‘n kader kan nie eers water en sanitasie probleme oplos. In kort Sy is totaal onbevoeg vir haar werk soos die HELE ANC . Probleem is dis vir hul ‘n “job” en nie ‘n passie