Die verlate bagasie wat op 20 Mei 2016 op OR Tambo Internasionale Lughawe gevind is (Foto: SAID)
Doeanebeamptes het beslag gelê op ʼn verlate bagasiesak, bestem vir Abu Dhabi, wat dwelmmiddels ter waarde van R8,1 miljoen bevat het.
Sandile Memela, woordvoerder van die Suid-Afrikaanse Inkomstediens, het Dinsdag gesê die bagasiesak is Vrydag reeds verlate by OR Tambo Internasionale Lughawe gevind. Die bagasie was oorspronklik van Chennai, Indië en bestem vir Abu Dhabi. Die sak is ondersoek en die verdagte suikeragtige middel is uiteindelik as kristal-metamfetamien uitgeken.
“Niemand het nog die bagasie opgeëis nie,” het Memela bygevoeg. “Die sak is aan die Suid-Afrikaanse Polisiediens oorgegee vir verdere ondersoek.”
-
- Die dwelmmiddels wat in die verlate bagasie op 20 Mei 2016 op OR Tambo Internasionale Lughawe gevind is (Foto: SAID)
-
- Die dwelmmiddels wat in die verlate bagasie op 20 Mei 2016 op OR Tambo Internasionale Lughawe gevind is (Foto: SAID)
-
- Die verlate bagasie wat op 20 Mei 2016 op OR Tambo Internasionale Lughawe gevind is (Foto: SAID)
Dit sal so bietjie ironies wees as die bagasie perongeluk in SA beland het agv van ‘n fout van die lugredery. Die dwelmbase is seker nie baie ingenome met hul muil nie.
Sulke goed gebeur nie per abuis nie… Nes die dwelms wat in die see langs die kus gevind is nie per abuis daar afdryf nie…
En die strokie met inligting op die tas?
Die gebruik om die hoeveelheid dwelms wat gevind is in Randwaarde uit te druk, kan by misdaadgeneigdes die persepsie skep dat groot geld met dwelms verdien kan word. Kan die hoeveelheid nie miskien eerder uitgedruk word in terme van die aantal mense wat daardeur bedwelm/verslaaf kon word nie?
Wonder net waar gaan al die dwelms heen wat so gekonfiskeer word. Het nog nooit gehoor dat dit vernietig word nie. Befonds hulle dalk ANC daarmee.
As dit bestem was vir Abu Dhabi…stuur dit aan!! Dan’s dit hulle probleem…of aanwins.
Handig dit aan die polisie oor… Dwelms nou offisieel in die kant… Nou kan die korrupte polisielede dit op straat kry… En wie gaan enigsins beter weet?
Korreksie… Dwelms nou offisieel in die land…
Lyk nogal baie na dieselfde logo op die plastieksakkies wat hulle Maandag uit die Nissan bakkie uitgehaal het. Dalk dieselfde vervaardiger?
Die smokkelaar se moed het hom/haar seker begewe.