Dwelmtoerusting in Kaapstad gekonfiskeer

Mandrax-tablette  (argieffoto)

Mandrax-tablette
(argieffoto)

Die polisie het Vrydag beslag gelê op toerusting wat gebruik word om Mandrax te vervaardig in ʼn huis in Old Crossroads in Kaapstad.

“Die polisie het ʼn wenk ontvang van ʼn man wat vroeër in hegtenis geneem is vir die besit van ʼn onwettige vuurwapen,” het kol. Tembinkosi Kinana, woordvoerder van die polisie in die Wes-Kaap, in ʼn verklaring gesê.

Kinana sê die polisie het ʼn dwelmlaboratorium by die huis opgespoor.

“ʼn Verdagte het uit ʼn venster ontsnap voor die polisie die huis kon betree. Niemand is nog in hegtenis geneem nie,” het hy bygevoeg.

Die polisie ondersoek ʼn saak van dwelmhandel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.