E-tol: Jou regte as motoris

Argieffoto

Argieffoto

Die jongste aankondiging van die regime se sogenaamde wysigings aan die e-tolstelsel bevat verskeie ‘bangmaakelemente’ wat daarop gemik is om die verbruikersweerstand teen die aanvaarding van die stelsel finaal te knak.

In die regering se wortel-en-sweep benadering het hulle egter nagelaat om na hulle eie regulasies in hierdie verband te kyk.

Die dreigement dat motoriste nie toegelaat sal word om hulle voertuie se lisensies uit te neem as daar ʼn sogenaamde e-tolskuld uitstaande is nie, is onwettig en ek sal kortliks aantoon wat die ware toedrag van sake is.

Eerstens mag die uitneem van ʼn geldige jaarlisensie (die sg. skyfie) slegs verhinder word in die volgende gevalle:

  1. Wanneer daar uitstaande lisensiegeld of verbandhoudende boetes ter sprake is;
  2. Wanneer die voertuig se padwaardigheid opgeskort is of nie ʼn padwaardigheidsertifikaat het nie;
  3. Wanneer daar ʼn geldige en bestaande lasbrief (ten opsigte van verkeersoortredings) uitstaande is vir die inhegtenisneming van die lisensiehouer; of
  4. In die geval van ʼn uitgereikte AARTO-afdwingingsbevel (AARTO Enforcement Order).

Met vergunning van Justice Project South Africa haal ek graag aan:

The practice of withholding licence discs because of outstanding traffic fines due to the existence of outstanding traffic fines issued under either the Criminal Procedure or AARTO Act or unpaid e-tolls is unlawful.

Of late, there have been multiple claims that licence discs are being withheld due to outstanding e-tolls existing against the licensee’s name, and this, too, is completely unlawful  since the legislation governing e-tolls makes no provision for this.

Motoriste word dus aangemoedig om saam te werk om hierdie korrupte stelsel te laat sneuwel.

Interessantheidshalwe kan ook vermeld word dat, soos die kredietkaart-tipe rybewyskontrak wat destyds aan ʼn Sweedse maatskappy, I D Kort, toegeken is en toe later deur Mac Maharaj en sy trawante (die Shaik-broers) “oorgeneem” is, was Mac ook betrokke in die e-tolfiasko deur sy vriendskap met Nazir Alli, Sanral se baas. Dit was juis Mac en Alli (laasgenoemde was toe ʼn hoofdirekteur by vervoer en Mac die minister) wat hierdie stelsel uitgedink het as nog ʼn goeie manier om kaderverryking verder uit te brei.

Selfs vandag nog, genereer elke rybewys wat uitgeneem of hernu word, R45 vir Nkobi Holdings – een van Shabir Shaik se maatskappye.

Wat die ander tolpaaie betref is Trac (Trans Africa Concessions) ook besig om goed te skep (55c per kilometer) op die pad tussen Pretoria en Nelspruit – sonder om hulle verpligtinge na te kom soos om voetgangers en losloperdiere van die pad af te hou. Slegs 43% van Trac se inkomste word vir instandhouding en padopgradering gebruik – die res gaan na ‘shareholders’, hier en oorsee.

Met inagneming van die brandstofheffings, en ander belastings, is dit duidelik dat Sanral se e-tolstelsel daarop gemik is om ʼn oorsese maatskappy (wat by die wapenskandaal betrokke was) Kapsch Trafficom Sweden, nog verder te verryk. Dit spreek amper vanself dat verskeie senior ANC-amptenare by hierdie gerieflike ooreenkoms sal baat.

Die vraag is dus: Is jy as motoris gereed om hierdie mense nog verder te verryk of gaan ons, soos die Amerikaanse koloniste tydens die Boston Tea Party, sê tot hiertoe en nie verder nie.

Wat my betref, my belastings betaal reeds vir paaie, Nkandla, die instandhouding van die Zulu-‘koningshuis’ en ander vorme van verwerplike korrupsie. Die e-tolstelsel, in die woorde van ʼn bekende fliektitel, is A Bridge too Far..

*Bernard K Hellberg is reeds 20 jaar lank ‘n motorjoernalis en senior lid van die SA Motorskrywersgilde. Hy is ‘n alumnus van die PU vir CHO en skryf in sy persoonlike hoedanigheid)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Wernher

Elke belasting betaler in die land, moet nou opstaan en alle vorme van belasting weerhou. die anc moet val en vinnig. Nkandla behoort aan belasting betalers en ONS SAL DIT TERUGVAT. Alle anc amptenare moet tronkstraf kry dit sluit fw de klerk in.

Dalien

dit is definitief tyd dat ons saam staan en die wat so skep n skop in die tande gee, genoeg is genoeg…

PietB

Een of ander goeie ondersoekende joernalis moet maar net die moeite doen om uit te vind wie die aandeelhouers van die Sweedse maatskappy is. Hulle sal waarskynlik vind dat een of ander Maleisiese mpy die aandele hou. die Maleisiese aandele word 10 teen 1 deur ‘n mpy elders in die wêreld gehou en daardie een se aandele sal ons sekerlik vind behoort aan ‘n Zuma en/of Gupta en/of Maharaj ens. Wil iemand nie maar probeer uitvind nie?

piet

Stem dis bog my tax is al meer as my selaris in n maand en wat kry ek daarvan potholes ,vuil dorp swak standaarde ens so kyk wa ga my swaar verdiende geld heen nee so kan dit ni aangaan,die staat vat net

Ampie

Dankie vir die uitwys van die korrupsie in die e-tol sage. Ek dink nie daar is enige proses in Suid-Afrika wat sonder ‘n mindere of meerdere mate van bedrog/bevoordeling/korrupsie plaasvind nie. Elke klein stadsraad, elke pad, toilet of watookal wat opgerig moet word en met of sonder tenders plaasvind, is onderhorig aan hierdie monster. Niks gaan hierdie kultuur verander nie, selfs nie eers ‘n nuwe regering nie (daar is terloops geen kans dat die ANC ooit die onbeperkte mag van een van die grootste ekonomiee in die wereld sal opse nie. Mens sny nie jou eie geldkraantjie af nie). Op… Lees meer »