E-tol: ‘Regering nie van plan om dit te skrap’

e-tol

Argieffoto

Dit is duidelik dat die regering glad nie van plan is om die omstrede e-tol-stelsel in Gauteng te skrap nie.

“ʼn Oplossing vir e-tol moet as ʼn saak van dringendheid gevind word,” het Fred Nel, die DA se woordvoerder vir paaie en vervoer in Gauteng, gesê.

Die minister van vervoer, Fikile Mbalula, het Donderdag aangekondig dat die spertyd om ʼn aankondiging oor die e-tol-stelsel te maak, aangeskuif is om belangegroepe meer tyd te gee om te beraadslaag.

“Mbalula het geen aanduiding gegee oor wanneer dit sal gebeur nie,” het Nel gesê.

David Makhura, premier van Gauteng, het tydens ’n vraag-en-antwoord-sessie vroeër vandeesmaand in die wetgewer aangedui dat dit nie nodig is om ’n interregeringsgeskil te verklaar nie.

“Dit is duidelik dat die ANC-regering absoluut geen planne het om e-tol in Gauteng af te skaf nie. Die DA was nog altyd gekant teen die implementering van e-tol, aangesien dit ’n onbillike belastinglas op ons reeds oorbelaste inwoners is,” het Nel gesê.

Indien ’n klein persentasie van die brandstofheffing van die begin af vir die projek aangewend was, kon dit al afbetaal gewees het. “In plaas daarvan is die brandstofheffing gebruik vir reddingsboeie vir wanbestuurde ondernemings in staatsbesit.

“Indien die invorderingskontrak nie hernu was nie, sou dit Sanral meer as R600 miljoen per jaar kon bespaar, wat die e-tol-lenings kon afbetaal. Die DA sal voortgaan om druk op die regering te plaas om ʼn manier te vind om met die e-tol-stelsel weg te doen.”

Pres. Cyril Ramaphosa het vroeër ʼn taakspan bestaande uit Mbalula, Tito Mboweni, die minister van finansies, en David Makhura, Gautengse premier, aangestel om ʼn oplossing vir die krisis oor die e-tol-stelsel te vind.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Chris Ws

Die regering maak ‘n minimum van R3 miljard PER MAAND net uit die brandstof belasting/heffing.Daar is MEER as genoge geld vir instandhouding op die e-tol paaie as ramaparra en sy trawante ophou om geld op nuttelose/onnodige staats instellings te mors.

Anton

Hier is ‘n maklike oplossing. Kry die wapenskandaal se miljarde terug en betaal die etoll projek eenmalig terug. Maklik

humor

Ramaphosa het n taakspan afgevaardig en sommer ook gese wat hul bevinding moet wees. Hul sal klou soos neute want dit moet dien as reddingsboei om n bankrot geroofde land te red. En steeds moet die belastingbetaler opdok.

Stephanus

Daar is ‘n paar ANC kaders wat finansieël baat by e-tol en daarom word dit nie afgeskaf nie!

Jerry

Dit is wensdenkery om te dink dat die regering enige diensteverskaffingsprojekte wat geld inbring sal staak, inteendeel sal dit uitgebrei word, omrede die ANC regering n welsynstaat geskep het. Invordering van belasting en betaling vir dienste (of n gebrek daaraan) is die lewensaar van die ANC om staatskaping se onregmatige botallige kaderstrukture se status quo te handhaaf!