Edcon skuld miljarde

Edgars (Foto: Karen Sandison/African News Agency/ANA)

Edcon het begin om die maatskappy se drie oorblywende handelsmerke (Edgars, Jet en Thank u) te verkoop ná hy op 29 April in sakeredding geplaas is weens die uitbreking van Covid-19.

Grant Pattison, uitvoerende hoof van Edcon, het gesê die groep moes ʼn besluit maak ná hy in ʼn finansiële verknorsing beland het weens die uitbreking van die nuwe koronavirus: likwideer of doen aansoek vir sakeredding.

“In hierdie omstandighede vereis Suid-Afrikaanse wetgewing dat die maatskappy óf gelikwideer word óf in sakeredding geplaas word. Om ons ʼn langer periode te bied om die geld in te vorder, het die raad besluit om eerder aansoek te doen vir sakeredding.”

Piers Marsden en Lance Schapiro is gevolglik op 4 April aangestel as sakereddingspraktisyns. Daar is bevind dat altesaam R3,7 miljard geskuld word aan meer as 80 entiteite ná Edcon se lys van krediteure Maandag gepubliseer is as deel van die sakereddingsplan.

Altesaam R888 miljoen is verskuldig aan die Werkloosheidsversekeringsfonds, verteenwoordig deur die Openbare Beleggingskorporasie (OBK), die groep se grootste krediteur. Die WVF het R1,2 miljard in die groep belê as deel van ʼn R2,7 miljard-herkapitalisasie in Maart 2019.

Vier van die land se vyf grootste handelsbanke het ook eise van R976 miljoen teen Edcon. Drie internasionale beleggingsbanke eis R358 miljoen.

Die sakereddingspraktisyns het aangekondig dat hulle ʼn versnelde verkopingsproses sal ondersoek vir dele van Edcon ná geen kopers of beleggers vir die groep in sy geheel gevind kon word nie. Dit het ook ten doel om die onderneming aan die gang te hou tydens die somerseisoen.

Die groep se bevestigde lys van verhuurders het eise van ongeveer R100 miljoen. Die lys sluit onder andere Growthpoint Properties, Redefine Properties, Liberty Group en Old Mutual in.

Sedert 30 April word die groep se bates, sowat R4,4 miljard, as sekuriteit gehou deur die krediteure.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

13 Kommentare

JohanR ·

Totsiens Edgars sal jou mis. Nou en dan lekker goed daar gekoop.

Yolandie ·

Edgars het vir my die laaste paar jaar so agteruit gegaan… As ek kyk waste spog winkel dit was toe ek ‘n kind was en hoe dit vandag is… Was so 2 weke terug daar in gewees vir my dogter om onderklere te koop… Ek was geskok gewees… 2 rakkies en dan net XL – 3XL.. Nee wat dankie dan koop ekke liewe elke 4de maand by Pep vir haar… Baie teleurgesteld

Pieter ·

Kyk wie gaan die nuwe eie naars wees die is die komuniste se hele plan

marius ·

WVF geld ?? Daar is mense wat krepeer want hulle kry nie betalings nie ! Die hele spul insluitende die amptenarre wat dit bewimpel het moet aan die massas wat hierdeur verguis is oorhandig word .

Kremetart ·

Jammer om te hoor, maar ek kon nooit by edgars koop nie, pryse was te hoog. Jet was soms bekostigbaar. Hulle personeel was egter altyd onvriendelik en onbehulpsaam.

Pieter ·

Die OBK/WVF het onlangs daarin belê, glo in opdrag van Cosatu. Nou word die arme staatdienspensioenarisse nog armer, want daardie geld kom nooit terug nie. Die persone wat hierdie belegging gedoen word moet van al hul bates gestroop word.

Jack ·

Is Edcon dalk nie maar net die voorloper van nog ander kettingwinkelgroepe wat ook gaan vou nie? Ek vind dit ontstellend dat so baie ondernemings die een na die ander vou. Mense wat effekte trusts of aandele het gaan hierdeur benadeel word. Hierdie is alles die gevolge van die ANC se AA en BBBEE en demografiese verteenwoordiging beleide. Onbevoegde persone word in beheer aangestel, hulle stroop die onderneming van sy bates en andere moet die gelag betaal. Dis ‘n skande.

Wielspore ·

Edcon het onder gegaan as gevolg van swak bestuur op direkteurs vlak, die Covid 19 is maar net die laaste spyker in die kis. Ek het so ‘n tyd gelede ‘n spesifieke produk gesoek en ‘n Edcon handelaar in Nelspruit het dit op sy webtuiste gewys. Het die handelaar geskakel en bevestig dat die produk beslis beskikbaar is, die woorde was, we have plenty stock. Twee dae later en 48 km verder kry ek ‘n ander antwoord, no sir we do not carry stock, you have to order on line and we will dispatch it to you. Courier cost is for the customer. Great, I will not see you again, goodbye, you’re fired.

BoerSonderRoer ·

Ek onthou nog EDCON en sy “black bonus” wat net aan swart personeellede betaal is.

Racism does not pay.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.