Een dood, 13 beseer toe taxi rol

Nooddienste het die minibustaxi op sy dak aangetref. Foto: ER24

Een mens is dood en nog 13 beseer toe ʼn minibustaxi Maandagoggend op die R59 naby die Redding-wisselaar in Alberton gerol het.

Russel Meiring, ER24-woordvoerder, sê paramedici en talle ander nooddienste het vanoggend kort voor 06:00 op die toneel suid van Johannesburg opgedaag en die minibus op sy sy aangetref. “Etlike mense is verspreid om die voertuig aangetref nadat hulle uit die taxi geslinger is.”

By nadere ondersoek het paramedici op ʼn insittende afgekom wat binne-in die taxi vasgevang was. Hy is blykbaar op slag dood. “Niks kon vir hom gedoen word nie en hy is dood verklaar,” sê Meiring.

Paramedici het nog 13 mense op die toneel ondersoek. Vyf was in ʼn kritieke toestand, terwyl agt se beserings van gering tot matig gewissel het.

Hulle is op die toneel behandel voordat een van dié wat ernstig beseer is per helikopter na ʼn nabygeleë hospitaal gebring is. Die res is per ambulans hospitaal toe geneem.

Meiring sê dis nog nie bekend wat tot die ongeluk aanleiding gegee het nie. Wetstoepassers was op die toneel om die voorval te ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Jessica

Blame the taxi driver, they don’t care about the road how they drive or over take on the wrong side of road, or who the push off the road or even damage your vehicle of passing, its not they vehicles so why care, so it bring it to the bottom they don’t care about the people inside the taxi’s. Charge the driver for murder.

Lynette

Taxi’s ry net soos hulle wil – ek sidder soggens op pad werk toe wanneer hulle deur rooi ligte jaag om my.

Leon

Ek ry elke oggend hierdie pad, en dit is vebasned dat daar nie meer sulke ongelukke is nie.
Ry in die “geel” bane, vleg tussen rye voertuie deur ens ens. Presies wat Lynette sê.
Tipese elke dag gebeure van die doodsvoertuie.
En die EMPD, draai ‘n blinde oog op die gebeure!

Ek

Wetstoepassers ? Waar gekry

JSO

MM – *Reading-wisselaar