Een dood, 7 beseer toe taxi, motorfiets bots

Foto: Verskaf.

ʼn Motorfietsryer is dood en sewe mense beseer toe ʼn taxi en ʼn motorfiets Dinsdagoggend aan die Oos-Rand gebots het.

Ineke van Huyssteen, woordvoerder van ER24, het gesê die voorval het by die kruising van Modderfontein en Greenstone-rylaan in Greenstone Hill plaasgevind. ER24-paramedici het net voor 07:00 by die toneel opgedaag.

“Paramedici het sommige van die beseerde insittendes van die taxi aangetref waar hulle op die toneel rondloop. Hulle het vasgestel sewe mense het geringe tot ernstige beserings opgedoen,” het van Huyssteen gesê.

Die motorfietsryer is volgens Van Huyssteen meters ver van die wrak van sy motorfiets aangetref met noodlottige beserings. Hy is op die toneel dood verklaar.

Die beseerdes is na ʼn hospitaal geneem vir verdere mediese behandeling.

Die oorsaak van die botsing is nog nie bekend nie.

Foto: Verskaf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Irene

Weer a keer taxis ry soos hul wil word niks daaraan gedoen sien dit daagliks al is daar verkeer beamptes naby

Sarel

Oorsaak nie bekend nie ? Wie voel n veer vir padreels in die land ?

chrissie

altyd n TAxi!!

Corrie

Accidents like this happens because the taxi’s do as they please and no one ever see that they get reprimanded of pulled over. Most of taxi’s are not roadworthy in any way, but nothing gets done about it also. Condolences to all the family’s of the deceased.

MvT

Motorfietse en taxis, nou bots die 2 onverskillegstes met mekaar.