Een mens is dood nadat ʼn brand Vrydagaand by ʼn aftreeoord in Midstream in Centurion uitgebreek het.
Ineke van Huyssteen, ER24-woordvoerder, sê ander nooddienste was reeds op die toneel toe ER24 net ná 19:00 by die toneel aangekom het.
Volgens Van Huyssteen was ʼn groot aantal inwoners van die aftreeoord genoop om te ontruim.
“Die presiese omstandighede rakende die brand is nie in dié stadium bekend nie. Plaaslike owerhede was op die toneel om ʼn ondersoek te begin,” het sy gesê.
ER24-nooddienste kon by navraag nie bevestig waaraan die inwoner van die aftreeoord oorlede is nie. Dit is nie in dié stadium bekend of die brand te doen gehad het met die sterfte nie.
Meer inligting sal ná ʼn nadoodse ondersoek bekend gemaak word.
kan julle nie eerder sê…1 persoon is dood as wat julle dit stel 1 mens is dood nie????
Regtig. Mense se harte is seer en jy kerm oor ‘n sin. Wat word van ons???? Ek is so jammer vir die mense, dit was ‘n ouma/oupa/ma/pa wat gesterf het. Ek bid vir julle gesin en mag jul vertroosting vind.
Ek hoop en vertrou die ander bejaardes is veilig!! Dit moes vir hulle verskriklik angswekkend en ontwrigtend wees!! Sterkte aan hulle almal!!
Skryf liewer, oorlede ipv dood, dis net ‘n bietjie sagter. Sterkte vir almal
Sestien nuusberigte met ‘n negatiewe strekking!!!! Is daar dan geen positiewe beriggewing deesdae meer nie?