Een dood ná leerder glo drie by skool steek

Die Forest High School in Forest Hill, Johannesburg. (Foto: Google Maps)

ʼn Graad 8-leerder is Maandagmiddag buite ʼn hoërskool in die suide van Johannesburg na bewering deur ʼn medeleerder doodgesteek.

Steve Mabona, woordvoerder van die Gautengse departement van onderwys, sê die voorval het by die Forest High School in Forest Hill gebeur. Volgens Mabona is nog twee leerders in die voorval beseer en na ʼn hospitaal gehaas.

“Daar word beweer ʼn 20-jarige graad 11-leerder het drie van sy medeleerders buite die skool gesteek. ʼn 18-jarige leerder in graad 8 is op die toneel dood, terwyl twee ander leerders, onderskeidelik 15 en 18 jaar oud, na ʼn plaaslike hospitaal gehaas is. Die leerders ontvang die nodige mediese behandeling,” sê Mabona.

Panyaza Lesufi, LUR vir onderwys in Gauteng, het hom dadelik na die skool gehaas toe hy die nuus ontvang het.

Volgens Mabona is eksamens by die skool vir die volgende 48 uur tydelik opgeskort. “Ons psigo-maatskaplike span sal die nodige berading verskaf.”

African News Agency berig ouers het vanmiddag ná die voorval buite die skool saamgedrom. Die liggaam van die leerder wat gesterf het, het in daardie stadium nog buite die skool se heining gelê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

45 Kommentare

jongste oudste gewildste
anita

So volwasse mense in graag en twaalf. Lefusi kanie tel nie. Wat soek hulle nog in die skool

Thelma

Ek is jammer maar daar moet ernstig gekyk word na leerders se ouderdomme en die grade. Jy kan nie 18 wees en steeds in graad 8 nie!! Daar is skole vir leerders met leer gestremdheid (leergestremd) soesiale skole. Dit is omdat volwassenes saam kinders gedwing word dat sulke goed gebeur. Dit is mos nie normaal nie!!!

James

Lefusi hom gehaas na die skool…. het hy hom ook na die skool gehaas met brug… wonder maar net… oja afrikaans

Cammie

Liewe hemel…..20 en in graad 11 …. wat soek hy daar …. leer is definitief nie n prioriteit by die leerder nie … as 30% die pass rate is … hoeveel het hy dan gehad om nou eers in graad 11 te wees. Hy is geen leerder nie … hy is n moordenaar … sluit toe en gooi sleutel weg ….. simpatie aan die leerder wat oorlede is se ouers .. maar sy ouderdom is net so erg 18 en in graad 8 …. albei van hulle moes al in die arbeidsmag gewees het …

BlinkStephaans

Waar is grootbek lisoefi nou… oja sorry… dis “our piepol”… hulle kan maar maak soos hulle wil.