Een dood toe kar voor trein inry

Die treinongeluk in Baden Powellweg, Stellenbosch Foto: ER24

Die treinongeluk in Baden Powellweg, Stellenbosch Foto: ER24

Een man is Dinsdagaand dood toe ʼn trein sy voertuig in Stellenbosch getref het.

“Die ongeluk het by die spoorwegkruising in Baden Powellweg plaasgevind,” het Russel Meiring, woordvoerder van ER24, in ʼn verklaring gesê. “Die enigste insittende in die motor was die man.”

Die man was reeds dood toe paramedici by die toneel opgedaag het en hy is op die toneel dood verklaar.

Volgens ooggetuies het die man glo nie die aankomende trein gesien nie en hy het probeer om die treinspoor oor te steek.

Plaaslike owerhede ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae