Een mens is dood en ʼn ander beseer toe ʼn wipbakvragmotor by ʼn wal afgerol en op sy dak te lande gekom het.
Ineke van Huyssteen, woordvoerder van ER24, het gesê die voorval het omstreeks 15:30 net buite Simola in Knysna plaasgevind.
“Toe paramedici by die toneel opdaag en die vragmotor op sy dak gewaar, het hulle die bestuurder met noodlottige beserings aangetref. Hy is op die toneel dood verklaar,” het Van Huyssteen gesê.
Volgens haar is nog ʼn man met geringe beserings op die toneel aangetref. Die man is na die hospitaal vervoer vir verdere mediese behandeling.
Die presiese omstandighede rakende die voorval is nog nie in dié stadium bekend nie. Die polisie ondersoek die voorval.
Ek sien nie ‘n wipbakvragmotor nie…………ek sien ‘n los-bak rommelverwyderaarsvragmotor wat by ‘n stortingsterrein teen ‘n wal afgerol het??
“Small things amuse small minds”
Ek sien ‘n Los-Vas-Tip rommeloptelverwydersingsvragmotor wat by ‘n hoewalstortingsterrein teen ‘n kleinwal opgerol het? Wat sien jy?