ʼn Spoorwegwerker van die Gautrain-stasie in Midrand in Gauteng is dood en twee ander werknemers beseer ná ʼn ongeluk by dié stasie.
Luidens ʼn verklaring van Gautrein het die spoorwegvoertuig waarmee die 58-jarige werknemer treinwaens gesleep het, glo met swaar toerusting gebots.
Die treinwaens het glo op die spoorweg net voor die Midrand-stasie stilgestaan weens ʼn verlies aan traksiebeheer op pad terug van die Hatfield-stasie af. Die spoorwegvoertuig was glo veronderstel om die treinwaens terug na die stasie te neem.
Volgens die verklaring was daar geen passasiers binne die trein nie.
Die twee ander beseerde werknemers is volgens inligting gehospitaliseer, maar is steeds in ʼn stabiele toestand.
“ʼn Volskaalse ondersoek is van stapel gestuur om die presiese oorsaak van die ongeluk te bepaal. Ons onderneem om ons samewerking aan die Nasionale Reguleerder vir Spoorwegveiligheid (RSR) te gee tydens hulle onafhanklike ondersoek,” lui die verklaring.
Geen vertragings is aangemeld nie.
spellfout laaste paragraaf. moet wees bepaal nie betaal.
Dagsê Pieter
Dankie vir jou valkoog – ons vra om verskoning vir die oorsig, die berig is reeds gewysig.
Groetnis
Cyril nms Maroela Media
Gautrein ongelu
‘
n Trok vervoer goedere terwyl n treinwa mense vervoer dus kry n mens nooit n trok wat mense vervoer nie.
Het blykbaar in die onderhoudsdepot gebeur in Midrand. Eenheid wat trein terug na depot moes sleep konnie betyds stop nie. Afdraand…..dooie trein sonder remme…..wat het hulle gedink?
Wat verwag hulle as hulle net regstellende aksie-aanstellings doen?
Hahaha jaaa goed gese!
Hahaha jaaa goed gese! Toe was dit verkeerdstellende.
Nettie, die persoon wat oorlede is , was n baie ervare treindrywer wat saam my gewerk het by Germiston Diesel, kry eers jou feite agter mekaar voor jy sulke nonsens kwyt raak