Een dood, verskeie beseer na treine bots

Paramedici op die toneel. (Foto: Netcare 911)

’n Man is dood en verskeie ander mense beseer toe twee treine Woensdagaand op ’n treinspoor wes van Johannesburg gebots het. Een van die beseerdes is in ’n kritieke toestand.

Russel Meiring, woordvoerder van ER24, sê in ’n verklaring ’n passasierstrein het naby Bonny Dooneweg in Horizon View teen ’n goederetrein gebots.

Volgens Meiring het paramedici ná 21:20 met hul aankoms op die toneel verskeie treinwaens aangetref wat ontspoor het.

’n Man en ’n bejaarde vrou was in die stadium in een van die waens van die passasierstrein vasgekeer. Die man het noodlottige beserings in die voorval opgedoen en het geen teken van lewe getoon nie. Die vrou het verskeie beserings opgedoen en was in ’n kritieke toestand.

Paramedici op die toneel. (Foto: Netcare 911)

Volgens Meiring het reddingswerkers meer as twee uur lank gespook om die vasgekeerde vrou uit die trein te bevry, waarna sy per helikopter na ’n private hospitaal gehaas is.

Verskeie nooddienste het sowat 30 pasiënte op die toneel behandel. Drie van die pasiënte is na ’n hospitaal geneem. Die ander het vervoer na ’n hospitaal van die hand gewys.

Die toepaslike owerhede was op die toneel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Leon

Swart ekonomiese bemagtiging in die beheerkamer. Daar is geen verantwoodelikheid nie. Werk op Afrika tyd. as twee trine op dieselfde spoor is, dan is dit”Eish, wat nou”. Letterlik. Jy moet daar wees om dit te sien.

Kompas

Dis omdat Transnet geen instandhoudingswerk aan die spoorllyn doen nie. Ons treinnetwerk is besig om in duie te stort. Jammer oor die lewensverlies.

Hennie

Dit is hoekom jy my nie op ‘n trein in SA kry nie.

HOOP

BRIEKE!!!!!!!!!!!!!!!!!

Strandloper

Ons eie survival in real life….bemark dit!