Een dood, vier beseer in Johannesburg-ongeluk

’n Minibustaxi en twee motors was by die botsing in Dobsonville betrokke: Foto: ER24

Een mens is dood en nog vier beseer toe drie voertuie Woensdagaand op Elias Motsoaledi-rylaan in Dobsonville in die weste van Johannesburg gebots het.

Werner Vermaak, ER24-woordvoerder, sê dié nooddiens en ander dienste het by hul aankoms op die toneel omstreeks 20:30 twee motors en ʼn minibustaxi wat in ʼn botsing betrokke was aangetref.

“Een van die motorbestuurders het noodlottige beserings opgedoen en is op die toneel dood verklaar. Die taxibestuurder was vasgevang in sy voertuig en moes deur ER24-reddingspersoneel bevry word.”

Vier insittendes van die taxi en die ander motor is vir matige beserings behandel voordat hulle vir verdere sorg na die Leratong-hospitaal geneem is.

Vermaak sê dis nog nie duidelik hoe die botsing gebeur het nie, maar beamptes was op die toneel om ondersoek in te stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Magda ·

ai tog nie mooi nie maar as ek ‘n taxi sien ry ek maar dadelik stadiger

Yolandi ·

Jul opskrif sê 1 dood en 4 beseer. Die 1ste sin van die berig sê 1 dood, 5 beseer

Tania Heyns ·

Dagsê Yolandi

Dankie vir jou kommentaar. Ons vra om verskoning vir die oorsig, die berig is reeds gewysig.

Groetnis
Tania nms Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.