Een sterf, talle beseer in Pretoriase treinongeluk  

Die dodetal in die ongeluk is nog nie bekend nie. Foto: Tshwane-nooddienste

Tientalle pendelaars is beseer en minstens een is dood toe twee passasierstreine Dinsdagoggend in die weste van Pretoria gebots het.

Xander Loubser van Best Care-ambulansdiens sê dis nog nie moontlik om te sê hoeveel mense beseer is nie aangesien nooddienste steeds op die toneel besig is, maar dit lyk in dié vroeë stadium na ʼn groot aantal.

Die ongeluk het by die Mountain View-stasie gebeur, maar die oorsaak is nog onbekend. Talle nooddienste is op die toneel om bystand te verleen en beseerdes na omliggende hospitale te vervoer.

Lillian Mofokeng, Gautengse Metrorail-woordvoerder, sê die ongeluk het omstreeks 09:15 plaasgevind toe een trein op die stasie van agter in ʼn ander vasgery het.

“ʼn Groot aantal pendelaars is beseer en minstens een het gesterf,” sê sy. “Beamptes van talle nooddienste is op die toneel om die beseerdes te behandel.”

Kapt. Mavela Masondo, Gautengse polisiewoordvoerder, kon nie onmiddellik meer inligting verskaf nie.

Hou Maroela Media dop vir nog inligting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
Koos de Meyer.

On bevoegte mense, in die ou bedeling het soiets nóóit gebeur nie. Maar dit is mos ons nuwe Suid-Afrika. Aan die orde van die dag onbevoegdheid.

DS

Absoluut agv ‘n menslike fout. Wonder of die persoon miskien net gou sy/haar oggend koffietjie gaan maak het toe die twee simpel treine in mekaar vasgery het :)

Sê-Ook-Maar-Net

Sulke goed het in die ou bedeling ook gebeur, maar was net goed weg gesteek. En infrastruktuur van ou bedeling wat nie behoorlik onderhou is nie, is ook te blameer.

Essie

Hoe op dees aarde ry jy in n stilstasnde trein reg voor jou vas kan die drywer van die aankomende trein nie voor hom gesien het nie of was sybril vol wasem van die koffiestoom

Karolis

Skerp antwoord davmar.