Foto ter illustrasie. (Foto: Unsplash)
Ná ʼn week van versengende hitte weens ʼn hittegolf in die binneland waarsku die Suid-Afrikaanse Weerdiens (SAWD) dat inwoners hulself vandeesweek teen swaar reën- en donderbuie moet staal. Waarskuwings teen uiters hoë brandgevaartoestande geld ook.
Die weerdiens het ʼn geel vlak 2-waarskuwing vir Maandag uitgereik teen erge donderstorms in die oostelike dele van die Vrystaat en die sentrale en suidoostelike dele van Noordwes. Die donderstorms kan met sterk en skadelike winde asook groot hoeveelhede fyn hael gepaard gaan.
ʼn Vlak 2-waarskuwing is ook uitgereik vir ontwrigtende reën wat tot Dinsdag langs die kus, in die Oos-Kaap tussen Port Alfred en Port Edward, verwag kan word.
In dieselfde asem waarsku die weerdiens ook teen uiters hoë brandgevaartoestande in die westelike en suidelike dele van Noordwes, dele van die Vrystaat, die noordelike en noordoostelike dele van die Noord-Kaap en die suidwestelike dele van Gauteng.
Volgens Jacqueline Modika, ʼn weervoorspeller verbonde aan die SAWD, sal wolke Maandag in die oostelike dele van die Vrystaat, Noordwes, KwaZulu-Natal, die dele langs die kusgebied en aangrensende gebiede in die Oos-Kaap en Wes-Kaap begin saampak.
Teen Dinsdag sal ligte tot matige reënbuie ook in Gauteng, Noordwes, Mpumalanga en oostelike dele van die Noord-Kaap verwag word.
“ʼn Trogstelsel in die boonste atmosfeer sal Donderdag oor die land inbeweeg wat heelwat swaarder reën- en donderbuie in al die bogenoemde provinsies tot gevolg kan hê,” sê Modika.
“Die reënweer sal na verwagting tot Vrydag voorkom.”
Die weerdiens waarsku dat die ontwrigtende reën plek-plek tot oorstromings van informele nedersettings, paaie, laagliggende gebiede en brûe kan lei.
Mense moet besef . . . dinge gaan vinnig gebeur en meer instens raak soos n vrou in kraam waar die pyne korter op mekaar volg
Als is reeds in plek
Volgende is die wegraping
Ai tog daar gaan ons alweer! Bewys asb dat die oorloë en rampe erger is as die res van aarde en mense se geskiedenis!
Net die tyd sal leer.
Gaan dit nou wees op 3 1/2 jaar of aan die einde van die sewe jaar?
Wegraping ………….. wha-ha-ha-ha-ha!!!!!!!!!!!!!!! Dáárvoor wag ons al so ± 2000 jaar!
Is die vredesverbond al gesluit? Nee dit is nie…
Hoop jy word eerste geraap.
Dankbaar vir die reen . Daarsonder kan niks oorleef.
Laat dit kom…ek verwelkom donderbuie en reën….
maar ek is jammer vir die arme diere wat so bang vir donkerbuie en storm.
Hierdie is ‘normaal’, dit gebeur so oor die eeue heen. Beter beplannig wat insluit konserwatiewe finansiële bestuur is hoe mens hierdie risiko moet bestuur. Ons is dankbaar vir die reën en dink aan almal wat verliese agv die brande gelei het.
Jy se konserwatiewe finansiele bestuur…
Gewoonlik kry ons welkome reen na 10 Oktober, dankbaar.
Korrek, die somerreënval streek moenie voor oom Paul se verjaarsdag baie reën kry nie.
Die natuur gaan sy gang, God is in beheer.
Anja, is jy nou die CCP se hoofsweep om omgewings en ander propaganda te dryf. Het jy al ooit gaan sit en nagedink oor waartoe hierdie argitekte van die agenda jou en die publiek wil neem. Na hongersnood, elende en die merk van die dier.