Eerste entstof Maandag in SA

(Argieffoto: Unsplash)

Dr. Zweli Mkhize, minister van gesondheid, sê die eerste besending entstof teen Covid-19 sal Maandag in Suid-Afrika aankom.

Mkhize was Woensdagaand deel van ʼn webinaar oor Suid-Afrika se beoogde inentingsprogram.

Volgens die minister vertrek die vlug met die eerste besending dosisse Sondag uit Indië en word dit ʼn dag later by die OR Tambo-lughawe in Gauteng verwag.

Tydens die eerste fase van die program sal die entstof op drie platforms, waaronder deur mobiele spanne en inentingsentrums, versprei word.

Prof. Koleka Mlisana, hoof van die mikrobiologiedepartement by die Universiteit van KwaZulu-Natal, het by die webinaar weereens die belang van korrekte inligting oor die entstof benadruk.

Terwyl talle gerugte en bespiegelings die ronde doen, het Mlisana die versekering gegee dat daar geen mikroskyfie of opsporingstoestel van enige aard in enige entstowwe is nie, dat alle bestanddele daarin aan die regulatoriese owerheid verklaar moet word en dat dit nie mense se DNS sal verander nie.

“Entstowwe dra ʼn stel aanwysings na menslike selle wat die liggaam toelaat om daarop te reageer en siektes te beveg,” het Mlisana gesê.

Suid-Afrikaners sal op ʼn elektroniese entstofdatastelsel – ʼn veilige platform – registreer om die entstof te ontvang. Die stelsel sal dan uitstippel waar en wanneer die entstof aan iemand toegedien word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Boer

As die endstof uit India kom dan moet die Gupta’s ñ vinger in die pie hê !!!!!!!!!!!!!!!!!!!!!

Die Wolf

Het nog steeds n probleem met die verspreiding van die entstof. Hoe gaan dit afgelewer word? Het hulle al die toerusting wat dit gevries hou. Help nie om te versprei as dit ontvries het nie.

Pietertjie

Ek wonder: watter lande kry hulle entstof uit Indië?

Janee

DANKIE…..MAAR NEE DANKIE VIR MY!!!!!!!!!

Johann

Hoekom Indië? En ek neem aan as dit Maandag hier is moet ‘n paar kaders seker eers vir hulle BEEEBEBEBEEE status ‘n paar as ‘n “grant” kry?

En is daar genoeg inspuitings? Of gaan die entstof R3.29 kos en die inspuiting R707.70 PLUS ‘n ANC Bybetaling en admin fooi van R321.27? En n “rounding” tot by die naaste R10 000?