(Foto: SpaceX/Twitter)
In ʼn eerste vir die Afrika-kontinent sal drie maritiem-gefokusde nanosatelliete van Suid-Afrika Donderdagmiddag gelanseer word deur die Suid-Afrikaans gebore Elon Musk se SpaceX in die VSA.
Die drie nanosatelliete, die eerste wat ten volle op die Afrika-kontinent ontwikkel is, sal omstreeks 17:25 (Suid-Afrikaanse tyd) van Cape Canaveral in Florida, VSA gelanseer word.
Die drie satelliete vorm deel van die departement van wetenskap en innovasie se Maritime Domain Awareness Satellite (MDASat)-konstellasie.
Spanlid Ian van Zyl het Dinsdag op Twitter geskryf: “Trots Suid-Afrikaanse oomblik: Drie Suid-Afrikaanse satelliete, wat deur ons span (my kollegas) in Kaapstad gebou is, word Donderdag deur SpaceX op die Falcon 9 gelanseer. Ons hou duimvas, mnr. Elon Musk!”
Wanneer dit voltooi is, sal die konstellasie uit nege satelliete bestaan wat, volgens die departement, “vaartuie in byna regte tyd sal opspoor, identifiseer en monitor” ter ondersteuning van Suid-Afrikaanse maritieme bewusmaking.
Dr. Blade Nzimande, minister van hoër onderwys, wetenskap en innovasie, het die lansering as ʼn “groot mylpaal vir die land” beskryf.
“Dit sal Suid-Afrika se posisie as ʼn leier in die ontwikkeling van klein satelliete in Afrika verder versterk en die land help om ʼn waardevolle deel van ʼn nismark in ʼn snelgroeiende, wêreldwye waardeketting te verkry.”
Volgens Nzimande maak Suid-Afrika goeie vordering in die ruimtebedryf, maar gespesialiseerde vaardighede is nodig om dit selfs verder te neem. Hy sê die departement het ʼn ontwikkelingsprogram by die Kaapse Skiereiland-Universiteit van Tegnologie van stapel gestuur. Die sluit die bekendstelling van ʼn meestersgraad in elektriese ingenieurswese in wat op satellietstelsels fokus.
Jy kan die lansering regstreeks op SpaceX volg, klik hier.
Targeting launch of SpaceX’s third dedicated smallsat rideshare mission, Transporter-3, tomorrow, January 13. The 29-minute launch window opens at 10:25 a.m. EST → https://t.co/bJFjLCzWdK pic.twitter.com/nCnDBDboar
— SpaceX (@SpaceX) January 12, 2022
Proud ???????? moment: 3 South African satellites, built by our team (my colleagues) in Cape Town, are being launched by @SpaceX on a Falcon 9 launch vehicle this Thursday, the 13th. Fingers crossed, Mr @elonmusk !! #Transporter3 #falcon9 #SpaceX #satellites #CubeSat #ISILaunch36P
— Ian van Zyl (@HabibiSouth) January 11, 2022
Bron: SANews.gov.za, departement van wetenskap en innovasie
“Gespesialiseerde vaardighede is nodig” so waar is julle BEE Einsteins?
En ons wag, en ons wag…… en gedoriewaar, daar ontdek hulle die modder hut!