Eersterus: Verdagte vas ná vrou se moord

(Argieffoto: Miguel Roberts/AP)

’n Verdagte is in hegtenis geneem in verband met die onlangse moord op ’n vrou van Eersterust, oos van Pretoria. Die 42-jarige vrou se liggaam is Sondag in ’n buitekamer aangetref.

Kapt. Kay Makhubele, woordvoerder van die polisie, het in ’n verklaring gesê ’n 50-jarige man is vroeër vandag (Maandag) in Eldoradopark in Johannesburg in hegtenis geneem in verband met die moord.

Die verdagte sal binnekort in ’n hof verskyn.

Maroela Media het vroeër berig ’n voorlopige ondersoek dui daarop dat die slagoffer se kêrel Sondagoggend ’n familielid geld vir vervoer gevra het. “Hy het beweer dat hy ’n nuwe werk iewers gekry het aangesien hy werkloos is,” het Makhubele vroeër gesê.

Volgens Makhubele was die kêrel die laaste persoon wat kontak met die oorledene voor haar dood gehad het.

Die polisie het vroeër ’n beroep op dié man gedoen om hom by ’n polisiestasie aan te meld om die polisie in hul ondersoek by te staan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

4ntj13 ·

Ek is nie seker ek verstaan reg nie. Verdagte = 50-jarige man ?= kêrel, of ?= familielid vir geld gevra?

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.