EFF beweer ‘regse komplot’ teen Malema

‘n Skermskoot uit die video.

Die EFF beweer sy parlementslid wat deur ʼn aanrandingsklag in die gesig gestaar word nadat ʼn polisiebeampte ná afloop van die staatsrede met die vuis deur die gesig geslaan is, het korrek opgetree omdat ʼn regse sluipmoord op die EFF-leier, Julius Malema, beplan word.

Die sterk geboude EFF-LP Marshall Dlamini het die polisiebeampte, AO Johan Carstens, deur die gesig geslaan. Op ʼn video van die voorval, wat in die parlement se voorportaal gebeur het en op videokamera vasgelê is, lyk dit nie asof Carstens vir Dlamini uitgelok het nie. Carstens het nou ʼn klag van aanranding teen Dlamini ingedien.

Maar die EFF vertel ʼn ander storie.

Volgens die EFF-woordvoerder, dr. Mbuyiseni Ndlozi, het die EFF voor die staatsrede inligting ontvang dat regses wat die parlementêre uitsmyters (die sogenaamde withemde) geïnfiltreer het, ʼn sluipmoordaanval op Malema sou uitvoer om met die staatsrede saam te val.

“Toe hierdie man in die wit hemp dus die leier (Malema) se weg versper, het ons gedink dit is die oomblik waarop die sluipmoord sou plaasvind en ons parlementslid (Dlamini) het dadelik opgetree om dit te verhoed,” het Ndlozi gesê.

Voorts het Ndlozi, as klaarblyklike verduideliking van die EFF se gedwee stilte tydens die staatsrede, gesê die inligting tot die EFF se beskikking was dat die beweerde regse infiltreerders van die withemde die sluipmoordaanval sou uitvoer sodra die EFF die staatsrede ontwrig en dus uit die Nasionale Vergadering geboender sou word.

Ndlozi voer ook aan dat Carstens EFF-lede wat die parlementsgebou ná die staatsrede wou verlaat, se weg versper het in weerwil van die Wet op Magte en Voorregte van die Parlement.

Die parlement het by monde van die speaker van die Nasionale Vergadering, Baleka Mbete, en die voorsitter van die Nasionale Raad van Provinsies, Thandi Modise, hul volle steun aan Carstens toegesê en Dlamini se optrede ten sterkste veroordeel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

82 Kommentare

jongste oudste gewildste
Johann cb

Enige belaglike verskoning om níé strafregtelik vervolg te word nie…!

zoom zoom

Die EFF behoort Hollywood te help met die maak van riller rolprente of comedy films want hulle het goeie verbeelding.

Henk

As dit nou n wit op swart aanranding was, was al die hel vandag los!! En waarom weet nasipnale intel of geen ander instansie van die sogenaamde “ regse sluipmoord” beplanning nie? Malema en sy gespuis VREES die mense teenoor wie hulle elke dag haatspraak en geweld aanhits!! Vandaar sy ewige groobek praatjies

Nonnie

Dis die lekkerste wat ek in ‘n lang tyd gelag het???

Pieter

Te onnosel om aan iets ander as n verskoning te gebruik,sal seker nou n ras ding daarvan maak en te kenne gee die witman het hom aangeval.