EFF groei ‘soos springmielies in ʼn oond’ – Ndlozi

Mbuyiseni Ndlozi, nasionale woordvoerder van die EFF (Foto: Nqobile Mbonambi/African News Agency/ANA)

Die Ekonomiese Vryheidsvegters het die afgelope vyf jaar in plattelandse gebiede vinnige groei beleef en het ʼn groot ondersteunersbasis in ander partye se vestings, veral in KwaZulu-Natal, het Mbuyiseni Ndlozi, woordvoerder van die party, Vrydag gesê.

Ndlozi het gesê die party het sy takke sedert die begin van verlede jaar uitgebou en verkiesingskonferensies in die provinsies gehou. Die party se laaste verkiesingsveldtog voor die nasionale verkiesing op 8 Mei, “Tshupa Thela”, vind Sondag in Soweto plaas.

Ná die plaaslikeregeringsverkiesing in 2016 het die EFF ʼn groot besluit geneem om sy uitvoerende raad in KwaZulu-Natal en alle streekstrukture in die provinsie te ontbind ter voorbereiding van die nasionale verkiesing. Ondersteuning vir die party het daarna begin toeneem.

“Dit was ʼn teken dat ons ʼn groot impak gaan maak. Julle het dit self gesien, veral in KwaZulu-Natal, dat ons oral is. Ons het nie een dorpie of voorstad onaangeraak gelaat nie. Ons is daar en ons gaan verteenwoordiging hê,” het Ndlozi gesê.

“Dit is ʼn groot inspirasie, want een van die wanopvattings is dat die EFF nie uitdrukking vind onder die ouer bevolking nie. Maar ons mense, veral bejaardes, waardeer dit waarvoor ons staan. Die EFF het met supersoniese spoed in die plattelandse gebiede gegroei. Sodra ons die dorpies in KwaZulu-Natal bereik, sal ons soos springmielies in ʼn oond groei.”

Volgens hom verwag die party tussen 12% en 15% van die stemme – dit is meer as dubbel die 6% tydens die party se eerste keer op die stembrief in 2014.

Julius Malema, leier van die EFF, sal sy finale verkiesingsboodskap Sondagmiddag by Orlando-stadion lewer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Andreas
Johanna Botha

Die massas dink hulle kry grond …maar die staat kry die grond en jy huur grond by die staal …maar die penny drop nie ! So het zin al die grond en is n mislukte staat ??

Spike

En so vinnig sal sa in sy peetjie ingroei.

Jerry

Hierdie mannetjie van die eff lieg sonder om te blik of te bloos. Die eff is in SA net so ongewild soos ebola in die DRK!

Johan Maritz

Ek sal te skaam kry om te se my groie is so sterk in die landelike gebied want kyk wat is hulle matriek slaagsyfer elke jaar