EFF grondwet hof toe oor skorsings

Julius Malema, leier van die EFF, op 21 Augustus 2014 buite die Nasionale Vergadering Foto: Nardus Engelbrecht/SAPA

Julius Malema, leier van die EFF, op 21 Augustus 2014 buite die Nasionale Vergadering Foto: Nardus Engelbrecht/SAPA

Die EFF het hofdokumente by die konstitusionele hof ingedien waarin die party die skorsing van sy LP’s teenstaan.

“Dit volg nadat die Wes-Kaapse hooggeregshof geweier het om die saak aan te hoor,” het Mbuyiseni Ndlozi, woordvoerder van die EFF gesê. Ndlozi se bewering kon egter nie by die hof bevestig word nie. Die EFF-LP’s is deur die parlementêre komitee oor regte en voorregte geskors nadat hulle van wangedrag aangekla is.

Ndlozi het gesê die EFF het die konstitusionele hof ook versoek om te beslis oor of Baleka Mbete, nasionale voorsitter van die ANC, geskik is om speaker van die parlement te wees. Die EFF het die hof verder versoek om duidelikheid te gee oor die status van regstellende stappe wat deur die Openbare Beskermer voorgestel word.

Julius Malema, leier van die EFF, hoofsweep Floyd Shivambu, Godrich Garee, Mpho Ramakatsa, Khanyisile Litchfield-Tshabalala en Mbuyiseni Ndlozi is vir 30 dae sonder vergoeding geskors. EFF-LP’s Elsabe Louw, Ngwanamakwetle Mashabela, Nthako Matiase, Hlengiwe Maxon, Magdalene Moonsamy en Andile Mngxitama is vir 14 dae geskors. Agt EFF-LP’s moet die huis persoonlik om verskoning vra en hulle is ook ʼn boete gelykstaande aan 14 dae se salaris en toelae opgelê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.