Malema het die uitlatings Saterdag gemaak tydens ‘n partybeenkoms in Sandton. “Julle kan my enige tyd herroep, ek sal julle nie hof toe sleep nie. Die posisie behoort aan die EFF en nie aan ‘n individu nie. As ek nie ‘n diens lewer nie kan julle my herroep,” het Malema aan die skare gesê.
“Ons glo dat ons die hoop van die massas van ons mense verteenwoordig en ons sal julle nie in die steek laat nie. Die beste van die beste sal julle verteenwoordig,” het Malema onder luide applous gesê. Malema het sy dank uitgespreek teenoor almal wat vir die party gestem het in die afgelope verkiesing. “Ons is baie, baie, baie bly dat julle ons ondersteun het.”
Malema sê die EFF-leierskap moet fondse bymekaarmaak om mense se lewens te verbeter. “Ons kan nie huise bou nie maar ons moet probeer om ons mense waardigheid te gee voor ons die regering word. Ons is nie die regering nie maar ons moet die armes help. Ons is baie trots op julle. Ons sal julle dien. Ons is reg om dood te gaan vir julle. Julle lyding is ons lyding. Julle pyn is ons pyn. Julle ellende is ons ellende.”
Malema sê die EFF sal nie rus voor die party ‘n beter lewe vir die mense van Suid-Afrika verseker het nie.
Sal Maroela Media hulle vra na hulle beleid oor duur motors en huise vir parlementslede in Kaapstad en Pretoria?
Dankie
Grootmeneer !!!! Doen is n ander ding…