EFF sal ‘baasbrein’ agter Guptas-sage bekendmaak

Atul Gupta (Argieffoto)

Atul Gupta (Argieffoto)

Die EFF het gesê dié party sal binnekort bekendmaak wie die “hoofskuldige en baasbrein” agter voorvalle van korrupsie, geldwassery en bedrog is, waarby die invloedryke Gupta-familie na bewering betrokke is.

Die EFF het in ʼn verklaring gesê die party het Sondag strafregtelike aanklagte in dié verband teen Atul Gupta, Ajay Gupta, Rajesh Gupta, Duduzane Zuma, Chetali Gupta, Verun Gupta, Mosebenzi Zwane, Salim Essa en Nazeem Howa aanhangig gemaak. Die aanklagte word ook gebring teen vier maatskappye, naamlik Oakbay Investments, Sahara, Tegeta en Mabengela Investments.

“Die aanklagte hou verband met verskeie oortredings van die Wet op Inkomstebelasting, die Wet op die Finansiële Intelligensiesentrum (Fica) en SA se geldeenheidwette. Die EFF is al met sy ondersoek na die saak besig sedert ons die eerste keer die Gupta-misdaadsindikaat aan die lig gebring het en ons sal binnekort die hoofskuldige en baasbrein agter die korrupsie, geldwassery, diefstal van openbare fondse en bedrog bekendmaak,” lui die verklaring.

Volgens die EFF het hy die polisie van verskeie bewyse in dié verband voorsien, onder meer ʼn beëdigde verklaring deur Pravin Gordhan, minister van finansies. Volgens die party is die bewysstukke meer as genoeg om te bewys dat daar ʼn prima facie-saak rakende die “Gupta-misdaadsindikaat” is.

“Die EFF doen ʼn beroep op die Finansiële Intelligensiesentrum, die banke wat hul verhoudings met die Guptas beëindig het en die ouditfirmas wat hulself van die Guptas gedistansieer het om hul volle samewerking te gee tydens die polisieondersoek. Die EFF sal alles in sy vermoë doen om te verseker dat die Gupta-misdaadsindikaat ingevolge Suid-Afrikaanse wetgewing vervolg word.”

Die party het gesê hy doen ʼn beroep op die Nasionale Vervolgingsgesag (NVG) om spoedig op te tree in dié verband, omdat die party vrees dat die Guptas se “vriende in hoë plekke” daartoe sal bydra dat daar met die bewyse en belangrike getuies ingemeng word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
AJ

Ek kan nie wag om te hoor wie se naam genoem gaan word.

GES

Nou word die besigheid ʼn vrot spul!

aj

Kan nie wag om te hoor wie is die BAAS en wie is die BREIN

Alida

Vir die eerste keer kan ek se mooi so EFF!

Piet

Nou ja, ons het reeds gehoor dat ‘n hof bevind het dat ‘n sekere Mr Shaik in ‘n korrupte verhouding was met ‘n sekere mr. Zuma. Dit het toe nie die ANC gekeer om steeds vir Mr Zuma te verkies tot president nie. Nou wonder ek maar net hoeveel korrupte verhoudings moet ‘n mens he voor die ANC besluit jy is nie goed genoeg nie? O ja nou onthou ek, hoe meer korrup hoe beter. Die president kan boonop nie tel nie so hy kannie boekhou van hoeveel die ander steel nie!