Egpaar helder oordag op plaas oorval, aangerand

Argieffoto: Nico Strydom

Argieffoto: Nico Strydom

Die polisie en lede van die gemeenskap is tans besig met ʼn soektog na twee aanvallers wat ʼn egpaar op ʼn plaas in die Luckhoff-omgewing in die Vrystaat enkele ure gelede oorval en aangerand het.

Konst. Peter Kareli, woordvoerder van die polisie, het aan Maroela Media gesê besonderhede oor die aanval is nog vaag aangesien die egpaar tans mediese behandeling ontvang en nog nie volledige verklarings aan die polisie kon gee nie.

“In dié stadium kan ek bevestig dat twee verdagtes omstreeks 12:30 die egpaar op die plaas Avondsrus oorval en aangerand het. Die verdagtes het ʼn jaggeweer, ʼn .303-geweer, selfone en ʼn onbekende bedrag kontant geroof en met die egpaar se wit Toyota Corolla-motor op die vlug geslaan,” het Kareli gesê.

Hy het gesê die egpaar het self na die polisiestasie gery om hulp te kry. “Die vrou het glo bestuur omdat haar man erger beserings as sy opgedoen het. Dit is nog nie duidelik hoe ernstig hul beserings is nie. Hulle word tans by die kliniek op Luckhoff behandel. Die mediese personeel kan dalk sê dat hulle in ʼn hospitaal opgeneem moet word. Ons wag nog om te hoor.”

Hy het gesê die egpaar se voertuig is kort ná die aanval naby die Havenga-brug gevind waar die verdagtes die voertuig van die pad af gery het. Die verdagtes en vuurwapens was skoonveld, maar die gesteelde kontant is in die motor gevind. “Die polisie is tans op die spoor van die verdagtes.”

Kareli kon nie onmiddellik die slagoffers se name bevestig nie. Hy het gesê ʼn saak van roof is aanhangig gemaak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Ada

‘n Saak van roof EN ‘n saak van aanranding met die doel om ernstig te beseer klink eerder vir my na die die waarheid.

Johann

Dink dit het lankal tyd geword dat Zuma aangekla word vir die soort ding, hy sit salig en bollie rol terwyl die prioriteit 1 op sy lys te wees

Johann

Wat n skandelike aanklag teen ons sg regering! Die blatante ontkenning van die krises vlak van die aanslag teen blankes op plase, is niks anders as n stille indersteyning eb goedkeur van die ras gebasseerde moord en verworsting nie! Barbaars en lafhartig…kebmerkend van die “politieke” disfunksiinaliteit van die selfbemagtigde meerderheid.

Ouboet 2

Hoop die “good for nothing” word sommer gou gevang

m

Parasiete