Egpaar in hospitaal ná plaasaanval

Megan en Peter-Murray Cross is in hul plaashuis oorval. Foto: Facebook

ʼn Egpaar van die Matjiesfontein-omgewing in Limpopo sterk in die hospitaal aan nadat hulle Dinsdagaand in hul plaashuis aangerand en beroof is.

Peter-Murray (48) en Megan Cross (31) het omstreeks 20:00 op die plaas Koedoespan sit en TV kyk toe vier mans met balaklawas ʼn groot ruit gebreek en die twee aangeval het.

Die vyf aanvallers het eers omstreeks 22:00 op die vlug geslaan met onder meer sewe jaggewere, twee handwapens, vier selfone, kontant, bankkaarte, juweliersware en ʼn silwerkleurige Toyota Hilux-bakkie wat met ʼn jagraam toegerus is. Volgens inligting wat onder plaaslike veiligheidsgroepe versprei is, wil dit voorkom asof die aanvallers gery het in die rigting van Thabazimbi, sowat 70 km suid van die plaas.

Die Cross-egpaar, wat daarin geslaag het om los te kom, se buurman Pieter Lamprecht het as lid van die buurtwagpatrollie in die omgewing gery toe die noodoproep van Peter-Murray omstreeks 22:30 deurkom dat daar ʼn plaasaanval by hulle was.

“Ek het tot by die plaashek gekry en oor die radio met Peter-Murray gepraat,” het hy Woensdag aan Maroela Media gesê. “Toe hy sê hulle is oukei, het ek gekyk in watter rigting die voertuig uit is en die paaie laat toemaak, maar dit was toe al te laat, want Peter-Murray kon eers ʼn driekwartier nadat die vier [aanvallers] by hulle weg is, alarm maak.”

‪Die egpaar was albei by hul volle bewussyn toe hul vriend Gerhard Kotze op die toneel na hulle omgesien het. Albei het hoofsaaklik kop- en gesigbeserings opgedoen. Hulle is gestabiliseer en in die vroeë oggendure na die Mediclinic Thabazimbi gebring, waar hulle Woensdag nog behandel is.

Lamprecht vertel Peter-Murray se ma, Leona, en hul twee kinders van onderskeidelik vier en nege was in die huis ten tyde van die aanval, maar is ongedeerd. “Hulle woon al jare lank daar,” vertel hy.

Hy sê dis die eerste aanval in dié afgeleë omgewing in ʼn baie lang tyd.

Kol. Moatshe Ngoepe, woordvoerder van die polisie in Limpopo, het Woensdagmiddag bekendgemaak die bakkie is verlate in Noordwes gekry.

Hy vra enigeen met inligting oor die voorval moet kapt. Richard Boshomane by 079 894 5501 of Stop Misdaad by 08600 10111 bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Gert

Lyk my hulle snuffel al die blankes uit op die plase kry werklose mans om met hulle te deel !!

BAIE HARTSEER

My hart is vandag erg seer vir al die evil wat ons land plunder. Mag die liewe Vader in Sy genade ons geroep hoor

Anoniem

Lafaards – Julle gaan aan God moet verantwoording doen !

Oujongvrou

En more gaan hulle weer met ses ekstra wapens op die jag uit. Ek wens so almal was biljoeners wat net saam uit die land kan gaan en laat ons sien hoe gaan “our people” dan verder aan op die grond.

Trots Wit

Ek kan nie sien dat die aanvalle op ons wit mense enigsins gaan stop nie. Wees te alle tye versigtig! JY is dalk volgende!!!