Egpaar kritiek ná ongeluk op eerste huweliksherdenking

Diaan en Janine Terblanche. Foto: Facebook

Diaan en Janine Terblanche. Foto: Facebook

Die egpaar van Marble Hall wat Sondagaand kritiek beseer is in ʼn botsing op die R573 ongeveer 12 km buite dié dorp in Limpopo, het ook Sondag hul eerste huweliksherdenking gevier.

Diaan (30) en Janine (21) Terblanche en hul drie weke oue dogtertjie, Dianiël, word almal in die hoësorgeenheid van die Life Midmed-hospitaal in Middelburg behandel. Carla, Diaan se suster, het Maandag aan Maroela Media gesê die familie wag nog vir die dokters om te sê wat die volgende stap is.

Maroela Media het vroeër berig die Terblanche-gesin se motor het omstreeks 18:00 reg van voor teen ʼn bakkie gebots nadat hulle glo ʼn vragmotor verbygesteek het. Die bakkie se hoofligte het volgens ooggetuies glo nie gewerk nie. Elf mense is in dié ongeluk dood.

Die polisie in Limpopo het intussen ook bevestig dat niemand van die toneel gevlug het soos wat deur verskeie ander mediaberigte gemeld word nie. Die nooddienste op die toneel het dieselfde bevestig.

“My broer-hulle was op pad huis toe ná ʼn familienaweek op ons wildsplaas ʼn ent buite Marble Hall. My ander broer, Janis, se baba is die naweek gedoop, so die hele familie was daar,” het Carla gesê.

Volgens Carla is Diaan se pelvis, borsbeen en vyf ribbes gebreek. “Janine se gesig is vergruis, haar arm en een rugwerwel is gebreek en een van haar longe is beskadig. Dianiël se arm en pelvis is gebreek en sy het bloeding op die brein opgedoen. Albei my ouers en baie van ons familie is by die hospitaal. Ons wag nou vir die dokters om te laat weet wat volgende gaan gebeur,” het sy gesê.

Sy het gesê die familie put in hierdie tyd krag uit hul geloof en bid vir Diaan, Janine en Dianiël se herstel. “God is groot. Ons moet net bly vertrou en sterk wees.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
rudolph

sterkte aan almal bid vir julle beterskap toe!

Ockie

Kom ons bid almal vir hierdie jong gesinnetjie. God sal die kragtige gebed van die gelowige nie verwerp nie.

Ockie

Kom ons bid almal vir hierdie jong gesinnetjie. God sal die kragtige gebed van die gelowige nie verwerp nie.

René Ferreira

Ek ry daai pad elke oggend vroeg om My dogter by die skool te gaan aflaai en jy kan nie glo hoeveel mense nie ligte aanhet nie! Jy sien hulle doodeenvoudig net nie tot op die laaste oomblik nie! Oral dink mense as hulle kan sien waar hulle gaan, dat ander húlle ook kan sien!

Timmie

Dis so hartseer, so jong gesinetjie, mense op die paaie moet aan ander mense ook dink. Want maak nie saak hoeveel keer die padreels verander nie, jy sal nogsteeds een kalant kry wat dit nie na kom nie. En daar moet ‘n reel kom dat mense wat ‘n drank probleem het nie op die paaie toegelaat mag word nie, dit sal soveel lewens spaar. (Alkoholis of nie!) Ons sal bid vir beterskap en genesing. Amen