Egpaar met kettings vasgebind tydens plaasaanval

Argieffoto: SAPD/Facebook

ʼn Bejaarde egpaar is Vrydagaand op hul plaas naby Ixopo in KwaZulu-Natal deur ʼn onbekende aantal aanvallers oorval, vasgebind en erg aangerand.

Lt.kol. Thulani Zwane, woordvoerder van die polisie, het aan Maroela Media gesê die voorval het omstreeks 18:00 gebeur. Volgens Zwane is min inligting tans beskikbaar. Dit is nie duidelik hoeveel aanvallers daar was nie. Hy het gesê die egpaar was buite op pad na hul huis toe hulle oorval is en deur die aanvallers die huis in geneem is.

“Die aanvallers het die egpaar met kettings en toue vasgemaak en erg aangerand. Hulle het daarna ʼn onbevestigde bedrag kontant geroof voordat hulle te voet gevlug het,” het hy gesê. Die egpaar is later na ʼn hospitaal geneem, maar dit is nie duidelik hoe hulle daarin geslaag het om hulp te ontbied nie.

Volgens Zwane is die man 87 jaar oud en sy vrou 79 jaar.

Zwane het gesê ʼn saak van huisroof word ondersoek en niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Elsa

stop in die Naam van Jesus

Johann

En ons arme boere word ontwapen en die boewe word bewapen.

Jakes

Wie het nou weer gese ons gaan hulle nie die see injaag nie,ons sal hulle net “potion” gee..

Charmaine coetzee

Lafaards om sulke oumensies aan te val !!!!!!

Rocky Bell

“Saak van huisrroof is geopen”. Moet dit nie eerder wees “Saak van poging tot moord”