Egpaar met pangas op Vrystaatse plaas aangeval

Argieffoto

ʼn Bejaarde Vrystaatse egpaar is in ʼn hospitaal opgeneem nadat hulle Saterdagoggend op hul plaas in die Hertzogville-distrik deur ses aanvallers oorval en erg aangerand is.

Kapt. Stephen Thakeng, woordvoerder van die polisie, het die voorval aan Maroela Media bevestig. Hoewel die besonderhede rakende die aanval nog vaag is, kon Thakeng bevestig dat die egpaar voor 07:00 buite hul huis op die plaas Langeveld aangeval en in die huis in gedwing is. Twee vuurwapens is tydens die aanval gesteel.

Thakeng het die egpaar as Japie (75) en Emma (75) van den Berg geïdentifiseer.

Volgens Thakeng het ʼn plaaswerker die polisie om 07:00 gebel om hulp te ontbied. “Die landelike veiligheidsplan is onmiddellik in werking gestel en meer as 50 boere het die polisie met twee helikopters bygestaan om na die verdagtes te soek,” het hy gesê.

“Dit het daartoe gelei dat adjudantoffisiere Johan Thiart en Gert Dreyer en konst. Ashley Legodu met behulp van die boere vier verdagtes vasgetrek het.” Volgens Thakeng is die verdagtes onderskeidelik tussen 26 en 35 jaar oud.

Die vuurwapens wat gesteel is, word steeds vermis en die ander twee verdagtes is nog op vrye voet.

Thakeng het gesê die egpaar is blitsig na ʼn hospitaal in Bloemfontein gehaas en daarom kon hy nie onmiddellik bevestig hoe ernstig hulle beseer is nie. Die polisie sal hulle so gou moontlik in die hospitaal besoek om verklarings af te neem en die aard van hul beserings vas te stel.

Ian Cameron, AfriForum se hoof van gemeenskapsveiligheid, het egter aan Maroela Media gesê hy verneem dat die egpaar met pangas aangeval en albei ernstig beseer is. Volgens Cameron is die vermoede dat Japie se toestand ernstiger is aangesien hy erge kopbeserings opgedoen het.

Thakeng het die boere van die plaaslike gemeenskap geloof vir hul samewerking en vinnige optrede wat tot die inhegtenisneming van die verdagtes gelei het.

Die vier verdagtes sal binnekort in die hof verskyn op aanklag van huisroof.

Mense met meer inligting wat tot die inhegtenisneming van die voortvlugtende verdagtes kan lei, word versoek om AO Errol Bannock by 065 930 7622 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
HJ kruger

Wat wou huisbraak!!!! Dis poging tot moord.

Lana

Huisroof se dinges!! Poging tot moord!!
Sleg goed. Ses jonges van hulle om twee ou mense aan te val.
Bly vier is al gevang.

AD

HUISROOF???????????????????????????????????????????????????????????????????????????????????? Nee hell

BB

Huisbraak se [email protected], dis poging tot moord, oortreding van private eiendom, inbraak, geweld teen ou mense, lafhartigheid 6 teen 2 ou mense, en daar is nog baie klagtes wat n mens kan by sit!!!!

Blommetjie

Hoekom Huisroof???? Wat van Huisroof en poging tot moord?!?! Dis verregaande!