Egpaar op Kersdag op plaas in Vrystaat aangeval

Argieffoto

Argieffoto

WAARSKUWING: Foto’s van die egpaar in die hospitaal volg onderaan die berig. Dit kan moontlik sensitiewe kykers of kinders ontstel.

Niemand is nog in hegtenis geneem ná Dawie Keyser (67) en sy vrou, Sunita Keyser (68) op Kersdag op hul plaas Wolhuterskop in Hertzogville in die Vrystaat aangeval is nie.

Kapt. Sfiso Nyakane, woordvoerder van die Valke in die Vrystaat, het Dinsdag aan Maroela Media gesê die egpaar is omstreeks 21:20 oorval. “Die oortreders het drie vuurwapens uit die kluis gesteel en die man en vrou met knopkieries aangeval voor hulle agterop ʼn bakkie vasgemaak is,” het hy gesê.

Volgens Nyakane het die aanvallers met die egpaar weggery en Sunita het naby ʼn vulstasie in Boshoff van die bewegende voertuig afgespring. “Sy kon paramedici ontbied wat op hul beurt die polisie in kennis kon stel,” het hy bygevoeg.

Nyakane het gesê Dawie is later ongeveer 10 km buite die dorp langs die pad gevind. “Die bakkie is later verlate gevind op die R59 op pad na Dealesville.”

Hy het gesê die ondersoek duur voort. “Die polisie ondersoek ʼn saak van aanranding, gewapende roof en ontvoering.”

Maroela Media kon nog nie terugvoer van Vrystaat Landbou kry om te hoor hoe dit met die egpaar gaan nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

58 Kommentare

jongste oudste gewildste
Mk

Heer help ons boere en veral ons oumse

Penellope Jones

Hoekom verskyn hierdie berigte en foto’s nie in die Engelse media ook nie??

sharon

Hierdie word direk voor ANC en EFF se deur gelê… Dagvaar hierdie partye vir elke insident. Dit is immers hulle wat dit aanhits. Sterkte

pieterdp

Hoel lank gaan ons nog die ander wang gee. Waar is ons Leiers wat bystand, raad en hulp vir ons gee. Doe ANC is besig om ons te vernietig. Hul oorlog en vernietiging het nie ge staak na 1994 nie. Wat nou.

sharon

Hierdie word direk voor ANC en EFF se deur gelê… Dagvaar hierdie partye vir elke insident. Dit is immers hulle wat dit aanhits. Sterkte aan hierdie mense