Egpaar op Noordwes-plaas oorval

Argieffoto

Argieffoto

ʼn Boer en sy vrou is Dinsdagoggend op ʼn plaas buite Derby in Noordwes deur drie mans oorval, aangerand en vasgebind.

Lt.kol. Amanda Funani, woordvoerder van die polisie, het aan Maroela Media gesê die boer is omstreeks 07:15 uit sy huis op die plaas tussen Derby en Koster om na sy beeste om te sien. “Drie verdagtes, wat almal balaklawas gedra het, het hom oorval en hom teruggesleep na sy huis toe,” het Funani gesê.

“Hulle het hom en sy vrou met toue vasgebind voordat hulle drie vuurwapens, drie selfone en ʼn onbevestigde bedrag kontant geroof en op die vlug geslaan het. ʼn Soektog na die verdagtes is van stapel gestuur, maar niemand is nog in hegtenis geneem nie.

Funani wou nie die name van die egpaar bekendmaak nie, maar het gesê hulle is tussen 65 jaar en 70 jaar oud. ʼn Saak van gewapende roof word ondersoek.

Die aanval op die egpaar is deel van minstens 30 plaasaanvalle wat reeds in Februarie in Suid-Afrika plaasgevind het. Ian Cameron, AfriForum se hoof van gemeenskapsveiligheid, het Dinsdagoggend gesê 11 mense is reeds hierdie maand in plaasaanvalle vermoor.

“Vyf mense is in die afgelope 24 uur in twee verskillende aanvalle vermoor, onderskeidelik in Mpumalanga en Limpopo. Hoeveel mense moet nóg in dié land vermoor word voordat daar daadwerklik opgetree word? Dit wil voorkom of die regering nie bereid is om landsburgers te beskerm nie,” het Cameron gesê.

Hy het gesê gemeenskappe sal self moet begin optree om plaasaanvalle te voorkom en dat die wet genoeg ruimte laat om dit te doen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Janet

Hoeveel boere moet nou nig aangeval word voor daar iets gedoen gaan word

Strussbob

Dis omdat ons dink dit gebeur net met ander mense – en daarom is ons te lui- ja lui- om betrokke te raak in ons gemeenskap.

Will i am

Wet laat toe dat ons onself beskerm? Wonder want as jy net skeefkyk na iemand is jy ń rassis en haat jy hulle. Komaan mense ons moet opstaan

lw

Ian Cameron ek glo die media dra n baie sterk rol uit na miskenning van boere en wit mense se belange. Net gisteraand op Kyknet nuus en gister op News 24 is die man wie n plaaswerker as n bosvark aangesien het en per ongeluk geskiet het hoofnuus. Plaasmoorde en plaasaanvalle haal nie die nuus nie.
Ek stem saam ons bly nie in Lallaland waar iets nooit sleg met ons gebeur nie – ons moet ons beveilig.
Ons kan veiligheidsmaatreels instel soos ons wil, maar wie gaan die gety van geweld teen ons stop?

Charl13

Ek kan onthou hoe daar jare terug uitkyk poste op plase was, wat altyd beman was met mense, lyk my dit sal maar weer instelling moet word. Ons mense moet hulle self beveilig, want ongelukkig gebeur dit nie van die regering kant af nie. My mening.